រាជធានីភ្នំពេញ ៖ អ្នកជិះកង់ជុំវិញពិភពលោកឈ្មោះចេនូស រីវើ (Janus River) អាយុ៧៥ឆ្នាំ ជនជាតិអ៊ីតាលីបានមកដល់ប្រទេសកម្ពុជាជាប្រទេសទី១១៩ ដែលលោកបានឆ្លងកាត់អស់រយៈពេល១១ឆ្នាំក្នុងដំណើរជិះកង់#របស់លោកចាប់ពីឆ្នាំ២០០០ ដល់ឆ្នាំ២០១១នេះ។លោកបានធ្វើដំណើរឆ្លងកាត់ពីប្រទេសថៃចូលមកកម្ពុជាកាលពីថ្ងៃទី៨ ធ្នូ ២០១០ តាមច្រកទ្វារអន្តរជាតិប៉ោយប៉ែត ។ លោកបានធ្វើដំណើរកាត់តាមផ្លូវលំជាច្រើនថ្ងៃពីខេត្ត#បន្ទាយមានជ័យ ប៉ៃលិន បាត់ដំបង ទើបមកដល់ភ្នំពេញ។លោកតាចេនូស រីវើបានមានប្រសាសន៍ប្រាប់កោះសន្តិភាពក្នុងបទសម្ភាសន៍កាលពីថ្ងៃទី១៨ មករា ២០១១ នៅក្នុងវិហារកាតូលិក មួយក្នុងខណ្ឌឬស្សីកែវ រាជធានីភ្នំពេញថា នៅ ពេលគាត់មកដល់ព្រះរាជាណាចក្រកម្ពុជា#គាត់បានឃើញថា ប្រទេសកម្ពុជាជាប្រទេសដែលមានសុវត្ថិភាពជាងគេក្នុងចំណោមប្រទេសដែលគាត់បានឆ្លងកាត់ក្នុងដំណើរជិះកង់ជុំវិញព ិភពលោក ។ ស្ថិតក្នុងប្រទេសកម្ពុជាមួយរយៈពេលនេះគាត់មើលឃើញថា ប្រជាជនកម្ពុជាមានការរាក់ទាក់នឹងគាត់យ៉ាងខ្លាំងនៅតាមបណ្តាខេត្ត-ក្រុងដែលគាត់បានស្នាក់នៅកន្លងមកនេះ។លោកតាបន្តថា គាត់មិនបានជិះកង់តាមផ្លូវថ្នល់ទេនៅក្នុងប្រទេសកម្ពុជានាពេលកន្លងទៅ ប៉ុនែ្តបានធ្វើដំណើរតាមព្រៃភ្នំស្ថិតនៅភាគខាងលិចប្រទេសកម្ពុជា ជាពិសេសអតីតតំបន់គ្រប់គ្រងដោយពួកខែ្មរក្រហម ។ នៅក្នុងព្រៃគាត់បានជួបប្រទះនឹងបញ្ហាមួយចំនួនដូចជាសត្វល្អិតខាំឬសត្វពស់ចឹកជាដើម ។ ការយាយីដោយសត្វបានធ្វើឲ្យជើងរបស់គាត់ឡើងហើមជាច្រើនថ្ងៃ ប៉ុន្តែត្រូវបានជួយសង្គ្រោះដោយប្រជាពលរដ្ឋតាមបណ្តាខេត្តទាំងនោះ។ជួបជាមួយកោះសន្តិភាពលោកតាបាន ផ្តល់បទសម្ភាសន៍ថា គោលបំណងរបស់លោកតាគឺធ្វើដំណើរជុំវិញពិភពលោកដោយជិះកង់ ហើយគ្រោងចូលរួមអូឡាំពិករដូវក្តៅនៅប្រទេសប្រេស៊ីលនៅឆ្នាំ២០១៦ខាងមុខនេះ។ ក្នុងពេលធ្វើដំណើរយៈពេល១១ឆ្នាំនេះលោកតាមិនបានសំរាន្តក្នុងផ្ទះ ឬសណ្ឋាគារទេ តែបានដេកនៅតាមទីវាលដូចជាតាមផ្លូវ ឬក្នុងវត្ត។គាត់បានចំណាយពីរដុល្លារក្នុងមួយថ្ងៃសំរាប់អាហារមួយពេលថ្ងៃត្រង់ ហើយគាត់ត្រូវបានអាជ្ញាធរតាមខេត្ត-ក្រុងជួយសំរួលក្នុងការស្នាក់នៅនិងអាហារបរិភោគខ្លះដែរនៅពេលគាត់មានវត្តមានក្នុងខេត្តនានានៃប្រទេសកម្ ពុជា។គាត់គ្រោងចាកចេញពីប្រទេសកម្ពុជានៅថ្ងៃទី៨ កុម្ភៈ ទៅកាន់ប្រទេសឡាវ វៀតណាម ចិន និងកូរ៉េខាងជើង។លោកតាចេនូស រីវើបានមានប្រសាសន៍ប្រាប់កោះសន្តិភាពក្នុងបទសម្ភាសន៍បន្តទៀតថា គាត់មិនមែនជាអ្នកក្រទេ ប៉ុន្តែគាត់ចង់ធ្វើដំណើរជុំវិញពិភពលោកដោយមិនចង់ស្លាប់នៅផ្ទះ ឬក៏ស្លាប់នៅមន្ទីរពេទ្យនោះទេ និងចង់ជួយ#ដល់កុមារក្រីក្រទាំងឡាយក្នុងពិភពលោកជាពិសេសកុមារកម្ពុជា និងឥណ្ឌា។ លោកតាបន្តថា រូបគាត់ជាក្មេងកំព្រាដែលឪពុកម្តាយបានត្រូវគេសម្លាប់ក្នុងសង្គ្រាមលោកលើកទី២នៅពេលគាត់មានអាយុ៣ឆ្នាំហ ើយឪពុក របស់គាត់ជនជាតិហុល្លង់ ឯម្តាយជនជាតិរុស្ស៊ី។ ក្នុងការធ្វើដំណើរឆ្លងកាត់ប្រទេសចំនួន១១៩នេះ មិនមានជួបឧបសគ្គអ្វីទេ ហើយការធ្វើដំណើរកន្លងមកមានចំងាយផ្លូវប្រមាណ១៣៥.០០០គីឡូម៉ែត្រ។ លោកតាបានប្រាប់ថា នឹងចំណាយពេលបីសប្តាហ៍នៅក្នុងប្រទេសកម្ពុជាទីដែលលោកតាបានគិតថាជាកន្លែងមានសុវត្ថិភាពជាងគេ។ក្នុងអា ជីពជាអ្នកជិះកង់វ័យ៧៥ឆ្នាំលោកតាចេនូស រីវើ បានមានប្រសាសន៍ថា គាត់មានសុខភាពធម្មតាដែលតាមគំរោងគាត់នឹងបញ្ចប់ដំណើរជិះកង់នេះនៅអាយុ៨០ឆ្នាំ ខណៈនោះគាត់នឹងទៅដល់ប្រទេសប្រេស៊ីលចូលរួមអូឡាំពិករដូវក្តៅ ២០១៦។ កង់ពណ៌ខ្មៅ និងកាតាបចំនួនបួនដែលចងភ្ជាប់នឹងកង់នេះជាឧបករណ៍សំខាន់របស់គាត់សំរាប់ផ្ទុកសំភារ ។ ហើយគាត់កាន់លិខិតឆ្លងដែនចំនួនពីរ នៅថ្ងៃទី១៩មករាលោកតាគ្រោងចាកចេញពីភ្នំពេញឆ្ពោះទៅកាន់ខេត្តកំពង់ចាម ក្រចះ មណ្ឌលគីរី រតនគីរី និងស្ទឹងត្រែង មុនពេលចាកចេញទៅកាន់ប្រទេសឡាវនៅថ្ងៃទី៨កុម្ភៈ ៕#
