ព័ត៌មានកីឡា៖ កីឡាករ ក្រុមជម្រើសជាតិ អង់គ្លេស Wayne Rooney ស្រែកអួតក្ដែងៗប្រាប់ទៅ អ្នកសារព័ត៌មានថា ក្រុមជម្រើសជាតិ អង់គ្លេស នៅតែជាក្រុមខ្លាំងក្នុងទឹកដីអឺរ៉ុបដដែល ចាប់ទាំងពីការប្រកួតក្នុងរដួវកាល World Cup មកម្ល៉េះ ។
ខ្សែប្រយុទ្ធក្រុមជម្រើសជាតិអង់គ្លេស ដែលបច្ចុប្បន្ន កំពុងតែឈរជើង ក្នុងក្រុមបីសាចក្រហម Man United បានស្វែរក គ្រាប់បាល់ជូនក្រុមជម្រើសជាតិ ចំនួន ១ គ្រាប់ផងដែរក្នុងព្រឹត្ដិការណ៍ប្រកួត European Championship ប៉ះជាមួយក្រុមជម្រើសជាតិ Lithuania ។
លទ្ធផលប្រកួតរវាងក្រុមទាំងពីរ អង់គ្លេសបញ្ចេញសមត្ថភាពបានល្អជាង ដោយក្រុមអាចផ្ដួលដៃគូរ ត្រឹមលទ្ធផលប្រកួត ៤-០ ដោយកីឡាករ Rooney នៅនាទីទី ៦, Welbeck នៅនាទីទី ៤៥, Sterling នៅនាទីទី ៥៨ និងចុងក្រោយដោយកីឡាករ Kane នៅនាទីទី ៧៣ ។
ទន្ទឹមនឹងលទ្ធផល បង្ហាញដូច្នោះ Wayne Rooney បានថ្លែងថា អង់គ្លេសនៅតែជាក្រុមខ្លាំងដដែល ហើយក៏ជាក្រុមដែលតែងតែលងបន្លាចក្រុមដទៃទៀតដែលក្នុងភូមិភាគជាមួយ ។ ហើយបើទោះជាធ្លាប់មានការបរាជ័យក្នុងទឹកដីប្រេស៊ីល ដណ្ដើមពានរង្វាន់ World Cup មែន ប៉ុន្ដែចាប់តាំងពីពេលនោះ មកក្រុមតែងតែទទួលបានលទ្ធផល ជោគជ័យរហូតដល់ទៅ ៧ ប្រកួតរួចទៅហើយ មកទល់ពេលនេះ ។ ហេតុដូច្នេះហើយ អង់គ្លេសនៅតែជា ក្រុមខ្លាំដដែល ក្នុងទឹកដីអឺរ៉ុប ។
Wayne Rooney បច្ចុប្បន្នលេងក្នុងក្រុម Man United ក្នុងតំណែងជាខ្សែបម្រើកណ្ដាល ខណៈដែលមួយរយៈក្រោយនេះ លោក Louis van Gaal កែប្រែទម្រង់លេង ក៏ផ្ដល់ឲ្យកីឡាករលេងក្នុងមុខតំណែងនេះទៅ។ ថ្វីត្បិត កីឡាករត្រូវប្ដូរមុខតំណែងក៏ដោយក្ដី ប៉ុន្ដែទម្រង់លេងរបស់របស់កីឡាករនៅតែមានភាពខ្លាំងដូចដើម សម្រាប់ក្រុម។
ដោយ៖ អឿ អ៊ុយ
ប្រភព៖ ប៊ីប៊ីស៊ី