ថ្មីៗនេះ Galaxy S4 Mini បានលេចចេញរូបភាពនៅលើគេហទំព័រ app.samsung.com ផ្លូវការរបស់ Samsung។ ក្នុងនោះ Galaxy S4 Mini នឹងមានឈ្មោះកូដ GT-i9195 ក្រៅពីរូបរាងខាងក្រៅស្រដៀងនឹង Galaxy S4 ផ្នែកមូលៗនៅគែមៗ ផ្នែកខាងមុខរបស់ S4 Mini មានរាងខុសបន្តិចបន្តួច ចំណែកឯផ្នែកសំបកជ័រខាងក្រោម អេក្រង់គឺធំទូលាយជាង។
ស្មាតហ្វូននេះ ប្រាកដជាដំឡើងរួចជាស្រេចនូវ Interface TouchWiz របស់ Samsung។ បច្ចុប្បន្ន S4 Mini នេះ លេចចេញតែនៅលើគេហទំព័ររបស់ app.samsung.com នៅអង់គ្លេស តែប៉ុណ្ណោះជាក់ស្តែង Galaxy S4 Mini បង្ហាញខ្លួនជាផ្លូវការនៅពេលណានោះ នៅមិនទាន់ដឹងប្រាកដនៅឡើយទេ។
បើតាមព័ត៌មានចចាមអារាមកាលពីលើកមុន Galaxy S4 Mini ត្រូវបានប៉ាន់ស្មានថានឹងបំពាក់នូវអេក្រង់ Super AMOLED ទំហំ 4,3 កំរិតពន្លឺ qHD (960x540)។ ទន្ទឹមនឹងនោះ ប្រភពព័ត៌មានក៏បានឲ្យដឹងបន្ថែមថា វានឹងមាន CPU Dual Core ល្បឿន 1,6GHz ប្រើប្រាស់ Android 4.2.2៕
ដោយ៖ សិលាប្រភព៖ TTE