ខេត្តកែប ៖ ស្ត្រីម្នាក់បានស្លាប់ដោយសារតែស្លាបចក្រទូកនេសាទរបស់ខ្លួនកាប់ត្រូវជាច្រើនកន្លែងបន្ទា ប់ពីស្ត្រីរូបនោះរអិលជើងធ្លាក់ពីលើទូកទៅក្នុងទឹកសមុទ្រ។ ហេតុការណ៍នេះបានកើតឡើងនៅវេលាម៉ោង៩ព្រឹក ថ្ងៃទី១ មករា។ ស្ត្រីរងគ្រោះឈ្មោះសឹង ផាត អាយុ៣៨ឆ្នាំ នៅភូមិកំពង់ត្រឡាច សង្កាត់ព្រៃធំ ក្រុងកែប។ តាមព័ត៌មានពីបុរសជាប្តីឈ្មោះអ៊ុក ចាន់ អាយុ៣៩ឆ្នាំ បានរៀបរាប់ថា គាត់ទាំង២នាក់ប្តី ប្រពន្ធ បន្ទាប់ពីបានលក់ក្តាមសេះឱ្យម៉ូយអស់នៅផ្សារកែប ហើយក៏ជិះទូកត្រឡប់ទៅកោះពោធិ៍វិញ តែពេលជិះទូកទៅដល់ជិតកោះទន្សាយប្រពន្ធគាត់ក៏បានរអិលជើងធ្លាក់ពីលើទូកទៅក្នុងទឹ ក ហើយក៏ត្រូវស្លាបចក្រទូកកាប់ត្រូវជាច្រើនកន្លែងបណ្តាលឱ្យស្លាប់នៅក្នុងទឹកភ្លាមៗ។ ប្រភពដដែលបន្តថា ពេលកើតមានអាសន្នរូបគាត់បាត់ស្មារតី និងស្រឡាំងកាំងមិនបានពន្លត់ម៉ាស៊ីនទូកទេ លុះពេលប្រពន្ធស្លាប់នៅក្នុងទឹកហើយ ទើបពន្លត់ម៉ាស៊ីន។គ្រានោះមានទូកអ្នកនេសាទជាច្រើនទៀតបានជួយរកសពប្រហែលកន្លះម៉ោងក្រោយ ទើបរកឃើញ ហើយស្រង់ពីទឹកយកមកធ្វើបុណ្យ។ តាមសំដីបងថ្លៃរបស់ស្ត្រីរងគ្រោះបាននិយាយថា គ្រួសារនេះមានកូន២នាក់ ហើយមិនមានដីសំរាប់សង់ផ្ទះទេ គឺស្នាក់នៅកោះពោធិ៍ប្រកបរបរជាអ្នកនេសាទសមុទ្រ។ លោកមុំ ស៊ីថា អធិការនគរបាលក្រុងកែបមានប្រសាសន៍ថា សពស្ត្រីដែលស្លាប់នោះមានស្នាមរបួសធ្ងន់ ត្រង់កញ្ចឹង.កពីក្រោយដែលស្លាបចក្រទូកកាប់ត្រូវ៕
