កាលពីសប្តាហ៍មុន ទស្សនិកជន មិនបានឃើញវត្តមាន របស់កីឡាករអង់គ្លេស Wayne Rooneyនៅឯទឹកដី Anfield របស់ក្រុម Liverpool ឡើយតែទស្សនិកជន ក៏មិនបានដេញដោលអ្វីខ្លាំងនោះទេ ទើបតែថ្ងៃនេះ Rooney បានបញ្ជាក់អំពីហេតុផលដែលគាត់ មិនអាចលេង ហើយក៏អវត្តមានក្នុងជំនួបជាមួយ Liverpool កាលពីសប្តាហ៍មុន អោយទស្សនិកជនបានដឹង តាមរយៈ Facebook ។
Rooney បានបង្ហោះរូបរបួស ក្បាលរបស់ខ្លួន អោយទស្សនិកជនមើល ឃើញថាវាពិតជាស្រៀវសាច់ណាស់ ព្រោះតែស្នាមរយះនៅលើថ្ងាស់ របស់ Rooney ពិតជាវែងហើយជ្រៅទៀត ។ របួសនេះគឺដោយសារតែ រត់បុកគ្នាជាមួយ Phil Jones ក្នុងពេលហ្វឹកហាត់ ។ គ្រាន់តែរូបនេះបានបង្ហោះចូលក្នុង Facebook សូម្បីតែ Theo Walcott ក៏បាននិយាយថា វាពិតជាធ្វើអោយគាត់ ស្រៀវសាច់ណាស់ ហើយមើលទៅដូចនៅក្នុងរឿងកុន របស់ហូលីវូដអញ្ចឹង ។
ជាមួយនិងរបួសនេះ Rooney ប្រហែលជាត្រូវសំរាកព្យាបាល ៣ សប្តាហ៍ ដូចនេះបានន័យថាគាត់នឹងមិនបានចូលរួមប្រកួត អោយក្រុមជំរើសជាតិអង់គ្លេស ដល់ទៅ ២ ប្រកួតខាងមុខនេះ ក្នុងវគ្គជំរុះ World Cup 2014 ៕
ដោយ ៖ កុសលប្រភព ៖ k14