ជាការពិតណាស់ កម្មវិធីប្រកួតកីឡាអូឡាពិករដូវក្តៅឆ្នាំ 2012 នៅក្នុងទីក្រុងឡុង នឹងមកដល់ក្នុងពេលឆាប់ៗខាងមុខនេះ ពោលគឺនៅថ្ងៃទី 27 កក្កដាដែលនៅសល់តែរយៈមួយសប្តាហ៍ទៀតតែប៉ុណ្ណោះ។
បើតាមប្រភពព័ត៌មាន បានអោយដឹងថា កីឡាករកីឡាការី មកពីជុំវិញពិភពលោកនឹងមកដល់ទីក្រុងឡុង ក្នុងអំឡុងថ្ងៃទី26 កក្កដា ដែលមានចំនួនដល់ទៅ 16,000 នាក់ឯណោះ តែទន្ទឹមនិងការមកដល់នេះ បើតាមប្រភពសារព័ត៌មាន មួយចំនួន ក៏បានបញ្ជាក់ផងដែរថា ពួកគេអាចនឹងទទួលរងឥទ្ធិពលផ្សេងៗ ស្របពេលដែលក្រុមបាតុករបម្រុងនឹងធ្វើកូដកម្មនៅក្នុងថ្ងៃនោះផងដែរ
គួរបញ្ជាក់ផងដែរថា ក្រុមបាតុករទាំងអស់មានចំនួនដល់ទៅរាប់ពាន់ ដែលមានគំរោងចេញមកធ្វើកូដកម្មនៅក្នុងអំឡុងថ្ងៃទី 26 កក្កដា ខាងមុខនេះ ដើម្បីធ្វើការប្រឆាំងតវ៉ាទាក់ទងនឹង ការងារ ក៏ដូចប្រាក់បៀរវត្សរ៍ ជាដើម។ លើសពីនេះទៅទៀត បើតាមសម្តីរបស់ប្រធានសហជីព បានអោយដឹងថាក្រុមបាតុកររបស់ពួកគេនឹងមិនធ្វើទុកទោមេ្នញអ្វីនោះទេចំពោះ កម្មវិធីប្រកួតកីឡាអូឡាំពិកដ៏ធំមួយនេះ ពោលគឺពួកគេសម្រេចចិត្តចេញមកធ្វើកូដកម្មមុនពេលការមកដល់នៃការប្រកួតមួយថ្ងៃ ក៏ដូចជា ការមកដល់របសអ្នកចូលរួមប្រកួតទាំងអស់ ដើម្បីដាក់សំពាធអោយរដ្ឋាភិបាល ដោះស្រាយរាល់បញ្ហាទាំងអស់អោយបានសមស្របតែប៉ុណ្ណោះ។
ទន្ទឹមនឹងការចេញធ្វើកូដកម្មរបស់ពួកគេនេះ បើយោងតាមសមាគមសហជីបក៏បានបញ្ចាក់ផងដែរថាមកពី Home Office បានចេញផ្សាយគំរោងដោយបន្ថយ ក៏ដូចជាកាត់បន្ថយប្រាក់បៀវត្សរ៍ នៅក្នុងអំឡុងឆ្នាំ 2015 ខាងមុខនេះ៕
ដោយ ៖ ពិសិដ្ឋប្រភព ៖ news.sky