ខេត្តស្ទឹងត្រែង​ ៖ ​រថយន្ត​កាមរីគូទ​ស្វិត​មួយគ្រឿង ​​​បោះពួយ​យ៉ាង​លឿន​​រេចង្កូត​​ទៅ​បុក​ម៉ូ​តូ​មួយគ្រឿង​​ពេញទំហឹង​បណ្តាល​ឱ្យ​​បុរស​៣​នាក់​​​ប៉ើងចេញ​​ពី ម៉ូតូ ធ្លាក់​ចូលក្នុង​ប្រឡាយ​​​​​រង​របួស​យ៉ាង​ធ្ងន់ធ្ងរ​ ក្នុងនោះ​​​​បុរស​២​នាក់​​បាន​ដាច់​ជើង​ត្រឹមជង្គង់​គួរ​ឱ្យតក់ស្លុត ហើយ​ក្រោយ​មក​បុរសម្នាក់​​បានស្លាប់​នៅក្នុង​មន្ទីរ​ពេទ្យ​ និង​ម្នាក់​ទៀត​​បាក់​ភ្លៅ​​លៀនឆ្អឹង​​ចេញក្រៅ​។​ ឧប្បត្តិ​​ហេតុ​ដ៏​គួរ​ឱ្យ​រន្ធត់​​នេះបានកើតឡើង​​​នៅលើ​​ផ្លូវ​ជាតិ​លេខ​​៧ ​ចំណុច​​មុខអាហារ​ដ្ឋាន​ដើម​កកោះ​​ ភូមិ​អូរ​ពង​មាន់ សង្កាត់ស្ទឹង​ត្រែង ​ក្រុង​​ស្ទឹង​ត្រែង ​កាល​ពីវេលាម៉ោង​​៨​យប់ថ្ងៃទី​​១ មករា ឆ្នាំ​២០១១។សមត្ថកិច្ចនគបាលចរាចរបានឱ្យដឹងថា រថ​យន្តបង្កហេតុម៉ាក​កាមរីគូទ​ស្វិត ពណ៌ខ្មៅ ពាក់ ស្លាកលេខ គ-៩០០០ ភព២ ចំណែកម៉ូតូរបស់ ជនរងគ្រោះជា​ម៉ាក​​វ៉េវ​អាល់ហ្វា ពណ៌ខ្មៅ គ្មាន ស្លាក​លេខ។ ជនរង​គ្រោះទី១-មានឈ្មោះ សៀង​ ឌិន អាយុ៤៥​ឆ្នាំ ជាកម្មករ រស់ភូមិបឹង ទីញ ឃុំទងត្រឡាច ស្រុកស្រីសន្ធរ ខេត្តកំពង់ ចាម របួសដាច់កជើង និងបាក់ផ្លូវឆ្វេង​ហូរ ឈាម​​ច្រើនពេក ទើបស្លាប់​ពេល​​បញ្ជូន​​ទៅដល់​មន្ទីរពេទ្យ។ ជនរងគ្រោះទី​២-ឈ្មោះ​ជា រ៉ានី អាយុ២៣ឆ្នាំ ជាកម្មករ ហើយជា​កូនប្រុស​របស់​អ្នក​ស្លាប់ រង​របួសបាក់ភ្លៅ និង​ស្មងជើងខាង​ឆ្វេង និងទី៣​-ឈ្មោះម៉ៅ ថូត អាយុ​២៣ឆ្នាំ ជា​កម្ម​ករ រស់នៅភូមិ​កោះខ្ញែ ឃុំ​អូរ​គ្រៀង ស្រុក​សំបូ ខេត្តក្រចេះ រងរបួសដាច់ ជើងខាងឆ្វេង​ត្រឹម​ជង្គង់៕​