ជនជាតិសៀម៧នាក់ មានសមាជិកសភាគណបក្សប្រជាធិបតេយ្យកំពុងកាន់អំណាចរបស់លោកអាប់ភីស៊ីត វ៉េចាជីវ៉ា ម្នាក់ផងនោះត្រូវនាំខ្លួនត្រឡប់ទៅឃុំឃាំងនៅគុកព្រៃ.សវិញបន្ទាប់ពីឡើងតុលាការកម្ពុជាសំ រាប់ចៅក្រមសាកសួរលើកដំបូងកាលពីព្រឹកថ្ងៃទី៦ មករា រហូតដល់យប់ ពីបទចូលលុកលុយទឹកដីកម្ពុជាខុសច្បាប់នោះ ពេលនេះស្ថិតក្នុងស្ថានភាពធ្ងន់ធ្ងរថែមទៀត ខណៈការឃុំខ្លួនពួកគេនឹងត្រូវអូសបន្លាយគ្មានពេលកំណត់ ឯការស្នើសុំអនុញ្ញាតនៅក្រៅឃុំដោយបង់ប្រាក់ធានានោះហាក់ដូចជាគ្មានសង្ឃឹមទាល់ត ែសោះ។ជនជាតិសៀមទាំង៧នាក់នោះបានបង្ហាញខ្លួននៅក្នុងតុលាការម្នាក់ម្តងៗដោយលោក Panich Vikitsreth សមាជិកសភាគណបក្សប្រជាធិបតេយ្យជាអ្នកបង្ហាញខ្លួនមុនគេ ។ នៅចំពោះមុខតុលាការ លោក Panich ឆ្លើយសារភាពថា រូបលោកបានឆ្លងកាត់ព្រំដែនចូលក្នុងទឹកដីកម្ពុជាដោយអចេតនា។ នេះបើតាមការឱ្យដឹងពីមេធាវីជនជាតិកម្ពុជារបស់លោកគឺលោក ROS AUN ។ ប៉ុន្តែវីដេអូឃ្លីបបានបង្ហាញថា លោក Panich បានទូរស័ព្ទឆ្លងឆ្លើយជាមួយលេខារបស់គាត់ ឱ្យប្រាប់ទៅលេខារបស់លោកអាប់ភីស៊ីត ថា សូមឱ្យលោកអាប់ភីស៊ីត ជួយគាត់ផង គាត់កំពុងឆ្លងចូលក្នុងទឹកដីកម្ពុជាហើយ...មិនដឹងថា មានរឿងអ្វីកើតឡើងទេ បើមានរឿងអ្វីមែននោះ សូមឱ្យលោកអាប់ភីស៊ីត ជួយធ្វើអន្តរាគមន៍ផង ។ នេះគឺជាចេតនាលុកលុយទឹកដីកម្ពុជាដោយបំពាន ។លោក ROS AUN ឱ្យដឹងទៀតថា លោក Panich ថ្លែងថា រូបលោកបានធ្វើដំណើរទៅកាន់ព្រំដែននោះដោយសារពលរដ្ឋថៃភាគច្រើនអះអាងថា តំបន់នោះជាទឹកដីរបស់ថៃ ហើយថ្លែងថា លោកមិនបានដឹងថា លោកចូលក្នុងទឹកដីកម្ពុជានោះទេ ដែលនៅទីនោះរូបលោក និងពលរដ្ឋថៃ៧នាក់ទៀតត្រូវបានចាប់ខ្លួនដោយអាជ្ញាធរកម្ពុជា ។ ចំណែលោកវីរៈ ស៊ុមខ្វាមឃីត ជាមេដឹកនាំបណ្តាញអ្នកស្នេហាជាតិថៃ ឬក្រុមអាវលឿង បានប្រាប់អ្នកកាសែតនៅពេលចាកចេញពីតុលាការថា តុលាការបង្ខំឱ្យក្រុមរបស់លោកទទួលយកការចោទប្រកាន់កម្ពុជា ។ ជាមួយគ្នានេះ ទាក់ទិនទៅនឹងការស្នើសុំនៅក្រៅឃុំដោយបង់ប្រាក់ធានាសំរាប់ពលរដ្ឋថៃទាំង៧នាក់នោះ កាសែតបាងកកប៉ុស្តិ៍នៅថ្ងៃទី៧ មករា នេះ បានចេញផ្សាយដោយដកស្រង់សំដីលោក Chavanond Intarakomalyasut លេខារដ្ឋមន្ត្រីក្រសួងការបរទេសថៃអះអាងកាលពីថ្ងៃទី៦ មករា ថា ការស្នើសុំនៅក្រៅឃុំដោយបង់ប្រាក់ធានានោះ លទ្ធផលយ៉ាងណានោះមិនទាន់ដឹងទេ វាហាក់ដូចជាមានសង្ឃឹមតិចណាស់ អាចធ្វើឡើងនៅថ្ងៃទី១០ មករា ខាងមុខនេះ ។ ការឆ្លងចូលទឹកដីកម្ពុជាដោយចេតនា ឬអចេតនាក៏ដោយ មិនមែនជនជាតិថៃទាំង៧នាក់នោះមិនដឹងថា ខ្សែបន្ទាត់ព្រំដែននៅត្រង់ណានោះទេ ព្រោះថា មានបង្គោលសីមាលេខ៤៦ និង៤៧ បង្ហាញយ៉ាងជ្រងរៗ ហេតុអ្វីពួកគេមិនប្រុងប្រយ័ត្ន? នេះគឺមកពីពួកគេប្រព្រឹត្តទាំងបំពានមកលើទឹកដីកម្ពុជាយ៉ាងគឃ្លើនតែម្តង ។គេបានកត់សំគាល់ថា នៅចំពោះមុខសមត្ថកិច្ចសួរចម្លើយ ជនជាតិសៀមទាំង៧នាក់នេះបង្ហាញនូវអាកប្បកិរិយាមួយ ដែលខ្មែរយើងហៅថា «ឈ្លើយណាស់» និយាយស្តីគ្មានការគួរសមក្នុងនាមជាមនុស្ស មានសុជីវធម៌សោះ ។ ដំណើរការនាំខ្លួនជនជាប់ចោទជនជាតិសៀមទាំង៧នាក់នេះ ក៏មានការតាមដានយ៉ាងដិតដល់ពីឯកអគ្គរាជទូតថៃប្រចាំប្រទេសកម្ពុជាផងដែរ ។ ភាពខុសប្លែកគ្នារវាងចំណាត់ការរបស់តុលាការថៃ និងកម្ពុជាត្រូវបានគេមើលឃើញថា ជនជាប់ចោទកម្ពុជា ដែលតុលាការថៃហៅមកសាកសួរ ឬបើកសវនាការគឺសុទ្ធតែដាក់ខ្នោះដៃ និងច្រវាក់ជើង...ចំណែកជនជាប់ចោទថៃវិញ ពេលតុលាការកម្ពុជាហៅមកសាកសួរ ឬបើកសវនាការ គឺដើរបង់បោយឱ្យរំភើយ គ្មានដាក់ខ្នោះច្រវាក់អ្វីទេ... ដូចយើងឃើញរូបភាពនេះជាក់ស្តែងហើយ ៕
