រាជធានីភ្នំពេញ ៖ តាមប្រភពព័ត៌មានពីមន្ត្រីតុលាការបានឱ្យដឹងថា ការស្នើសុំឱ្យមានការអនុញ្ញាតឱ្យជនជាតិថៃទាំង៥នាក់ ដែលកំពុងជាប់ឃុំនៅគុកព្រៃ.សស្ថិតនៅក្រៅឃុំនោះ គឺត្រូវរង់ចាំអ៊ុតមើលថ្ងៃស្អែកនេះ ព្រោះសាលាឧទ្ធរណ៍នឹងបើកជម្រះមុនអង្គសេចក្តីនៅព្រឹកថ្ងៃទី១៨ មករា ២០១១ ដើម្បីសំរេចថា តើពួកគេមានវាសនាស្ថិតនៅក្រៅឃុំដែរឬក៏អត់?ការជម្រះមុនអង្គសេចក្តីនៅសាលាឧទ្ធរណ៍ នាថ្ងៃស្អែកនេះ ជនជាប់ចោទថៃទាំង៥នាក់ ដែលកំពុងត្រូវបានមេធាវីការពារក្តីតស៊ូមតិយ៉ាងស្វិតស្វាញ ដើម្បីឱ្យបានស្ថិតនៅក្រៅឃុំនោះ ត្រូវបានគេរំពឹងទុកជាមុនថា ប្រសិនបើមានការអនុញ្ញាតឱ្យស្ថិតនៅក្រៅឃុំមែន គឺអាចមានតែ៣នាក់ប៉ុណ្ណោះ ក្នុងចំណោម៥នាក់...។ ប៉ុន្តែទោះជាយ៉ាងណា គឺត្រូវរង់ចាំអ៊ុតមើលនៅថ្ងៃស្អែកសិន ព្រោះឆន្ទានុសិទ្ធិរបស់តុលាការមិនអាចនរណាលូកដៃកំណត់បាននោះទេ ។លោកប៉ិច វិច្ឆិកា មេធាវីម្នាក់ក្នុងចំណោមពីរនាក់ដែលការពារក្តីជនជាតិថៃ៣នាក់ក្នុងចំណោម៥នា ក់ ដែលកំពុងជាប់ឃុំនៅពន្ធនាគារព្រៃ.សបាននិយាយថា គាត់បានដាក់ពាក្យបណ្តឹងឧទ្ធរណ៍កាលពីថ្ងៃទី១៤ មករា ២០១១ ប្រឆាំងទៅនឹងការមិនអនុញ្ញាតឱ្យកូនក្តីរបស់លោក ស្ថិតនៅក្រៅឃុំដោយបង់ប្រាក់ធានា ។ លោកនិយាយទៀតថា កាលពីថ្ងៃទី១០ មករា លោកបានដាក់ពាក្យសុំឱ្យសាលាដំបូងរាជធានីភ្នំពេញអនុញ្ញាតឱ្យកូនក្តីរបស់លោកស្ថិតនៅក្ រៅឃុំ តែសាលាដំបូងបដិសេធ ឥឡូវនេះលោកកំពុងតស៊ូមតិនៅសាលាឧទ្ធរណ៍ដែលគ្រោងនឹងបើកជម្រះមុនអង្គសេចក្តីនៅថ្ងៃទ ី១៨ មករា ២០១១ ស្អែកនេះ ថាតើត្រូវសំរេចបែបណាចំពោះការសុំនៅក្រៅឃុំនេះ ៕
