ព័ត៌មានកីឡា៖ ដំណឹងលេចឮយ៉ាងក្ដៅគគុក ក្រោយពីបែកធ្លាយថា កីឡាករ Raheem Sterling មានបំណងចង់ផ្ទេរជើងចេញពី Liverpool ក្នុងលក្ខខ័ណ មិនសប្បាយចិត្ដលើតម្លៃប្រាក់ខែរបស់ខ្លួន ពីការផ្ដល់ឲ្យរបស់ក្រុម។
យោងតាមបណ្ដាញព័ត៌មានអន្ដជាតិបានឲ្យដឹងថា ក្លឹបរបស់អាល្លឺម៉ង់ ឈ្មោះថា Bayern Munich និងធានាបាន ១០០ % ថា ប្រាកដជាឈានជើងចូលជ្រៀតជ្រែកក្នុងទីផ្សារដេញថ្លៃយក Raheem Sterling ពី Liverpool ប្រសិនបើក្រុមត្រូវបាត់បង់ឱកាសក្នុងការដេញថ្លៃយកកីឡាករ ពីក្រុម Borussia Dortmund ។
កីឡាករវ័យ ២៥ ឆ្នាំរបស់ Borussia Dortmund ក៏ទំនងនិងផ្អៀងខ្លួនចេញពីក្រុមរបស់ខ្លួន ផងដែរនា រដូវកាលថ្មីចូលមកដល់។ ហើយសម្រាប់តម្លៃទីផ្សារ តាមការបង្ហាញគឺត្រឹមតែ ២០ លានផោនប៉ុណ្ណោះ ។ ស្របពេលជាមួយគ្នាផងដែរនោះ ខ្សែបម្រើប្រយុទ្ធ របស់ Liverpool ក៏ទើបតែលេចឮដំណឹង ថានឹងត្រូវចេញពីក្រុមនៅរដូវកាលថ្មីនេះដូចគ្នា ចំពោះក្រុមក៏មានចំណាប់អារម្មណ៍និងទេព្យកោសល្យ របស់កីឡាករផងដែរ ដោយទន្ទឹងរង់ចាំមើល លទ្ធផល ពីភាគីខាង Borussia Dortmund ជាមុនសិន។ មូលហេតុដែលក្រុមមិនហ៊ានធានាបាន លើ Borussia Dortmund ពីព្រោះដៃគូរប្រកួតប្រជែងសុទ្ធតែជាក្រុមខ្លាំង ហើយ មានលុយច្រើនទៀតផង គឺ Chelsea និង Real Madrid ។ ប្រភពបានបន្ដទៀតថា ខ្សែបម្រើប្រយុទ្ធរបស់ Liverpool ប្រកាស់តម្លៃខ្លួនត្រឹមតែ ១៦ លានផោននេះទេ ដោយតម្លៃនេះគឺក្រុមនិងត្រៀមខ្លួនទទួលជានិច្ច ប្រសិនបើជើងទី ១ នៃការដេញថ្លៃត្រូវបរាជ័យ ។
ដោយ៖ អឿ អ៊ុយប្រភព៖ offthepost