នៅក្នុងពិធីបង្ហាញ iPhone 5, Apple ក៏បានធ្វើការណែនាំនូវផលិតផលថ្មីមួយផងដែរ គឺកាសស្តាប់តន្រ្តី EarPods ជាមួយនឹងការអភិវឌ្ឍន៍គួរឲ្យចាប់អារម្មណ៍។
បើតាម Apple បានឲ្យដឹងថា ពួកគេបានចំណាយអស់រយះពេល 3ឆ្នាំដើម្បីធ្វើការស្រាវជ្រាវ និងសំរេចចេញនូវផលិតផលនេះឡើង។ ក្រុមហ៊ុនបានបន្តថា ស៊េរីកាសមុនៗ ជាធម្មតាតែងតែជ្រុះពីត្រចៀកក្នុងពេលកំពុងធ្វើការ ហើយសំរាប់អ្នកដែលមានរន្ធត្រចៀកធំ គឺមានការលំបាកប្រើប្រាស់វា។ ដូច្នេះហើយក្រុមហ៊ុនក៏សំរេចចិត្ត ណែនាំនូវ EarPods ថ្មីងាយស្រួលប្រើ និងស្និទស្នាលជាងមុន។
EarPods ដែល Apple ទើបធ្វើការបង្ហាញណែនាំ
Model នេះមានការរចនាម៉ូដតូចជាងមុន មានបំពាក់នូវ Speaker ចំនួន2 ទាំងខាងឆ្វេង និងខាងស្តាំ(ម្ខាងមានពីរ) ដែលអនុញ្ញាតឲ្យសំលេងចូលត្រង់ក្នុងរន្ធត្រចៀក បន្ថយសំលេងរំខាននៅខាងក្រៅនិងផ្តល់នូវគុណភាពសំលេងល្អជាងមុន។
បើតាមគំរោង, EarPods នឹងត្រូវបានដាក់លក់នៅលើទីផ្សារ ដូចជាឧបករណ៍ដាច់មួយ ជាមួយតំលៃ29 USD។ លើកលែងតែបណ្តា Version iPod Touch ថ្មី, iPod Nano ថ្មី និង iPhone 5 នឹងត្រូវបន្ថែមមកជាមួយនូវកាសស្តាប់តន្ត្រីទំនើបមួយនេះ៕
ដោយ៖ សិលាប្រភព៖ K14