សវនាការករណីប្រធានវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ បានចូលដល់ថ្ងៃទីពីរ(ថ្ងៃពុធ ទី១២ ខែកញ្ញា) ដែលជាព្រឹត្តិការណ៍ដ៏ក្ដៅមួយ សម្រាប់អ្នកតាមការវិវឌ្ឍប្រជាធិបតេយ្យនៅកម្ពុជា។
ប្រភពព័ត៌មានពី VOD បានរាយការណ៍ថា កងកម្លាំង និងរបាំងនានា ត្រូវបានដាក់ពង្រាយនៅព័ទ្ធជុំវិញ និងតាមមហាវិថី ដែលឆ្លងកាត់សាលាដំបូងរាជធានីភ្នំពេញ ខណៈក្រុមអ្នកគាំទ្រ លោក ម៉ម សូណង់ដូ ចាប់ផ្ដើមមកប្រមូលផ្ដុំគ្នានៅខាងមុខតុលាការ។
អ្នកកាសែត និងអ្នកសង្កេតការណ៍ ត្រូវបានសន្តិសុខតុលាការឃាឃាំង មិនឲ្យចូលយកព័ត៌មានពេលកំពុងសវនាការនោះទេ ។ ពេលនេះអ្នកកាសែតកំពុងតែធ្វើការតវ៉ា ដើម្បីបានចូលទៅដល់បន្ទប់សវនាការ៕
ដោយ ៖ វិសាលប្រភព ៖ VOD