ខេត្តព្រះសីហនុ ៖ កំលាំងល្បាតរបស់កងរាជអាវុធហត្ថក្រុងព្រះសីហនុបានឃាត់ខ្លួនយុវជនសង្ស័យម្នាក់នៅកន្លែ ងកើតហេតុ ខណៈយុវជនរូបនេះកំពុងធ្វើសកម្មភាពលួចគាស់ចម្រឹងបង្អួចផ្ទះរបស់ប្រជាពលរដ្ឋក្នុងគោល បំណងចូលលួចយកសំភារផ្សេងៗ ។ ហេតុការណ៍នេះកើតឡើង ស្ថិតនៅក្រុមទី២០ ភូមិ១ សង្កាត់លេខ២ នៅវេលាម៉ោង២និង៣០នាទី រំលងអធ្រាត្រឈានចូលថ្ងៃទី១៤ មករា ។ ប្រភពពីសមត្ថកិច្ច ប៉េអឹម ម្នាក់បានឱ្យដឹងថា យុវជនសង្ស័យដែលឃាត់ខ្លួនពីបទចោរកម្មនេះឈ្មោះឡេន ត្រេន ភេទប្រុស អាយុ១៩ឆ្នាំ មុខរបរមិនពិតប្រាកដ បច្ចុប្បន្នស្នាក់នៅផ្ទះជួល ក្រុមទី១៣ ភូមិ២ សង្កាត់លេខ៣ ក្រុងព្រះសីហនុ ។ រីឯជនរងគ្រោះដែលជាម្ចាស់ផ្ទះឈ្មោះសែន ជំរុំ ភេទប្រុស អាយុ៣០ឆ្នាំ ជាបុគ្គលិកអង្គការ PSI រស់នៅភូមិកើតហេតុខាងលើចំពោះវត្ថុតាង សមត្ថកិច្ចរឹបអូសបានមានចម្រឹងបង្អួចមួយចំនួន និងដែកគាស់ចំនួន១ ។ប្រភពដដែលបានបន្តថា នៅយប់កើតហេតុនោះកំលាំងប៉េអឹមដែលប្រចាំការនៅចំណុចភ្នំខៀវ ស្ថិតក្នុងសង្កាត់លេខ២ បានចេញល្បាតតាមភូមិរហូតមកដល់ចំណុចកើតហេតុក៏បានឃើញយុវជនម្នាក់កំពុងធ្វើសកម្មភាព ខាងលើ។ ភ្លាមនោះ កំលាំងរបស់លោកក៏បានឃាត់ខ្លួននាំមកកាន់ទីបញ្ជាការដ្ឋានកងរាជអាវុធហត្ថខេត្តដើម្បីសួរ នាំ និងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ។ យោងតាមចម្លើយសារភាពរបស់យុវជនសង្ស័យបានឱ្យដឹងថា ខ្លួនពិតជាបានលួចគាស់ចម្រឹងផ្ទះប្រជាពលរដ្ឋពិតប្រាកដមែន ដោយខ្លួនបានលួចឃ្លាំមើលផ្ទះនេះជាច្រើនយប់មកហើយរហូតដល់រំលងអធ្រាត្រថ្ងៃទី១៤ មករា ខ្លួនក៏បានយកដែកគាស់មកធ្វើសកម្មភាព តែក៏ត្រូវកំលាំងកងរាជអាវុធហត្ថចាប់ឃាត់ខ្លួនតែម្តង ៕
