ខេត្តបាត់ដំបង ៖ មន្ត្រីនគរបាលក្រុងបាត់ដំបងម្នាក់ចូលចិត្តបំផុតក្នុងការវាយដំទៅលើនារីបំរើស្រាបៀរក្ នុងហាង ដើម្បីសំដែងអំណាច និងចរិតដ៏ឃោរឃៅរបស់ខ្លួននៅក្នុងហាង ឬក្នុងក្លឹបរាត្រីនានាឱ្យគេឃើញថា ខ្លួនអស្ចារ្យជាងគេនៅទីនោះ ។ ប៉ុន្តែបុរសម្នាក់នេះក៏ត្រូវបាននារីបំរើស្រាបៀរទាំងនោះប្តឹងបន្តបន្ទាប់ដែរ ។ កាលពីប៉ុន្មានសប្តាហ៍មុននគរបាលទំនើងម្នាក់នេះទើបតែសំរបសំរួលត្រូវរ៉ូវគ្នាជាមួយនារីល ក់ស្រាបៀរម្នាក់បញ្ចប់បណ្តឹងដោយរូបគេ ព្រមសងប្រាក់២០ម៉ឺនរៀលដល់នារីលក់ស្រាបៀរនោះ ក្រោយពីនាងប្តឹងបុរសនោះពីបទវាយដំនាងនៅក្នុងហាង ប៉ុន្តែជននេះមិនភ្ញាក់ខ្លួនទេ នៅតែប្រកាន់ចរិតឃោរឃៅនេះវាយនារីបំរើស្រាបៀរទៀត ។ មន្ត្រីនគរបាលទំនើងរូបនេះបានរងការប្តឹងចោទប្រកាន់ជាថ្មីទៀតពីនារីបំរើស្រាបៀរម្ន ាក់កាលពីថ្ងៃសៅរ៍ សប្តាហ៍មុននេះ ។ បុរសនេះបានរងការចោទប្រកាន់ថា បានទះកំផ្លៀងនារីលក់ស្រាបៀរម្នាក់ចំនួន៣ដៃនៅក្នុងគ្រាដែលនាងកំពុងបំរើភ្ញៀវនៅក្នុង ហាងមួយមានយីហោ «ពោះគោផ្សារលើ» ស្ថិតនៅភូមិកម្មករ សង្កាត់ស្វាយប៉ោ ក្រុងបាត់ដំបង កាលពីវេលាម៉ោង៩និង៥០នាទីយប់ ថ្ងៃទី៣១ ធ្នូ ឆ្នាំ២០១០ កន្លងទៅថ្មីនេះ ធ្វើឱ្យបុរសរូបនេះក្តៅក្រហាយក្នុងចិត្ត ។មន្ត្រីនគរបាលការិយាល័យព្រហ្មទណ្ឌកំរិតស្រាលដែលទទួលចាត់ការលើបណ្តឹងរបស់នារី បំរើស្រាបៀរនេះបានប្រាប់ថា នាងបំរើស្រាបៀរដែលរងគ្រោះ ឈ្មោះម៉ាន់ ស្រីស ហៅពៅ ណាន់ អាយុ២៥ឆ្នាំ នាងមានប្តី និងកូនមួយហើយ រស់នៅភូមិវត្តរំដួល សង្កាត់ចំការសំរោង ក្រុងបាត់ដំបង ។ រីឯមន្ត្រីនគរបាលទំនើងសំបូររឿងអាស្រូវចូលចិត្តវាយដំលើនារីបំរើស្រាបៀរក្នុងហាងន ោះឈ្មោះទេព ម្នោវ័ន ជាមន្ត្រីនគរបាលក្រុងបាត់ដំបង ។ នៅក្នុងបណ្តឹងរបស់នារីរងគ្រោះឈ្មោះម៉ាន់ ស្រីស ហៅពៅ ណាន់ បាននិយាយថា មន្ត្រីនគរបាលឈ្មោះទេព ម្នោវ័ន នេះបានដើរមកទះកំផ្លៀងនាងចំនួន៣ដៃ ខណៈដែលរូបនាងកំពុងចាប់ទឹកកកដាក់កែវឱ្យភ្ញៀវនៅតុផ្សេងទៀតក្នុងហាងនេះ ។ នាងនិយាយទៀតថា ជននេះហាក់បីដូចជាប្រចណ្ឌនឹងនាង ពេលឃើញនាងទៅបំរើតុផ្សេង ព្រោះជននេះធ្លាប់តាមស្រលាញ់នាងប្រហែលជិត២ខែកន្លងមកហើយ តែនាងមិនស្រលាញ់តបវិញទេ ដោយនាងគ្រាន់តែរាក់ទាក់រូបគេក្នុងនាមរូបនាងជាអ្នកលក់ស្រាបៀរតែប៉ុណ្ណោះ ។ ម្យ៉ាងទៀតនាងមានប្តី និងមានកូនមួយផងដែរ ។ នាងស្រីស បានបន្តទៀតថា ពេលនាងកំពុងបំរើភ្ញៀវ ស្រាប់តែឈ្មោះម្នោវ័ន នេះ ដើរទៅក្បែររួចនិយាយថា «ម៉េច...មានសេចក្តីសុខណាស់មែនទេ?» រួចទះកំផ្លៀងនាង៣ដៃផ្ទួនៗតែម្តង ធ្វើឱ្យរូបនាងខ្មាសភ្ញៀវពេញហាង និងបង្កការភ្ញាក់ផ្អើលទៀតផង ។ ស្រីសបានប្រាប់ថា នាងប្តឹងទាមទារសំណងជំងឺចិត្តចំនួន៣.០០០ដុល្លារ ពីមន្ត្រីនគរបាលទំនើងនោះ ដែលធ្វើឱ្យរូបនាងខ្មាសគេ ហើយសំណូមពរឱ្យសមត្ថកិច្ចចាត់ការតាមផ្លូវច្បាប់លើជនកំណាចនេះ ។កោះសន្តិភាពមិនអាចសុំការបំភ្លឺភ្លាមៗពីមន្ត្រីនគរបាលឈ្មោះទេព ម្នោវ័ន នេះបានទេ កាលពី ថ្ងៃសៅរ៍ សប្តាហ៍មុន ជុំវិញការប្តឹងចោទប្រកាន់ពីនារីបំរើស្រាបៀរខាងលើនេះ ។ លោកមៀន ឡាយ ប្រធានការិយាល័យនគរបាលព្រហ្មទណ្ឌកំរិតស្រាលដែលទទួលចាត់ការលើបណ្តឹងនេះ បានថ្លែងថា យើងទទួលចាត់ការលើសំណុំរឿងនេះ ប៉ុន្តែយើងស្នើឱ្យដើមបណ្តឹងរកសាក្សីមកបំភ្លឺបន្ថែមលើករណីនេះដើម្បីដាក់បន្ទុកលើចុង ចម្លើយជាមន្ត្រីនគរបាលនោះ ។ លោកបានបញ្ជាក់ដែរថា មន្ត្រីនគរបាលក្រុងឈ្មោះទេព ម្នោវ័ន នេះ ចូលចិត្តបង្ករឿងជាមួយស្រីៗក្នុងហាងមិនឈប់ឈរសោះ ហើយថ្មីៗនេះទើបតែបញ្ចប់សំណុំរឿងបង្ករបួសស្នាមមួយជាមួយនារីលក់ស្រាបៀរនេះដូចគ្នា ដែរ មិនទាន់បានប៉ុន្មានសប្តាហ៍ផង ឥឡូវនេះមាននារីបំរើស្រាបៀរមកប្តឹងមន្ត្រីនគរបាលម្នាក់នេះទៀត ៕
