នេះគឺជារូបភាព ថតពេលព្រឹកថ្ងៃទី១១ខែកញ្ញាឆ្នាំ២០១១ ទឹកលិចនៅតំបន់សង្កាត់ស្វាយដង្គុំ
ខេត្តសៀមរាប។
ពីប្រភពព័ត៌មានសហការិនីរបស់ Camnews នៅខេត្តសៀមរាបបានឲ្យដឹងថា តាំងពីប៉ុន្មាន
ថ្ងៃមុន មេឃមានភ្លៀង តែមិនខ្លាំង ហើយក៏បានរាំងតាំងពីម្សិលមិញហើយ ប៉ុន្តែមកដល់
ពេលបច្ចុប្បន្ននេះ ទឹកនៅតែលិចខ្លាំង។ ទឹកស្ទឹងសៀមរាប បានចាប់ឡើងបន្តិចម្តងៗ កាល
ពីពេលល្ងាចថ្ងៃទី៩ ខែកញ្ញា។ មន្រ្តីក្រុងសៀមរាបបាននិយាយថា ការលិចលង់ដោយទឹក
ភ្លៀងឆ្នាំនេះ គឺធំជាងបណ្តាឆ្នាំកន្លងទៅ។
ប្រភពព័ត៌មានក៏បានឲ្យដឹងថា ទឹកនៅតំបន់ភ្នំគូលេន មានភ្លៀងធ្លាក់យ៉ាងខ្លាំងហើយទឹក
បានធ្លាក់មកកាន់តំបន់ទន្លេសាប ជាពិសេសធ្លាក់ចូលស្ទឹងសៀមរាប។ ដូច្នេះទឹកចាប់ឡើង
លិចខ្លាំងចាប់ពីថ្ងៃទី៩ ហើយនៅតែបន្តឡើងលិចដដែលនៅថ្ងៃទី១០ និងថ្ងៃទី១១ខែកញ្ញា។
ក្រៅពីនោះ មន្ត្រីក្រុងសៀមរៀបក៏បានឲ្យដឹងថា ការលិចលង់ គឺដោយសារ ប្រជាជនយក
បាវច្រកដីទប់មាត់ច្រាំងស្ទឹងនិងទប់មុខផ្ទះរបស់ខ្លួនកុំឱ្យទឹកចូលផ្ទះ បណ្តាលឲ្យទឹកមាន
ការហូរយឺត។ ម្យ៉ាងទៀត ស្ទឹងនៅខាងក្រោមមានភាពតូចចង្អៀត ដោយសារប្រជាជនធ្វើ
ផ្ទះចូលស្ទឹងច្រើន ជាហេតុធ្វើឲ្យទឹកហូរយឺត។
សេវាកម្មទេសចរមួយចំនួនតូច ដែលស្ថិតក្នុងតំបន់លិច ក៏ត្រូវបានបិទទ្វារ។ ប៉ុន្តែនៅតែ
ឃើញឡានក្រុងដឹកអ្នកទេសចរទៅទស្សនានៅតំបន់ទន្លេសាប៕
ប្រភពរូបថត៖ ម៉ាលីន (សហការិនី Camnews ប្រចាំងខេត្តសៀមរៀប)
ដោយ៖ មិនា