នាព្រឹកថ្ងៃទី១៨វិច្ឆិកា ឆ្នាំ២០១២ នៅវិមានសន្តិភាព ក្នុងពេលបើកកិច្ចប្រជុំកំពូលអាស៊ាន លើកទី២១ មេដឹកនាំអាស៊ាន ទាំង ១០ បានប្រកាសបង្កើតវិទ្យាស្ថានអាស៊ីសម្រាប់សន្តិភាព និងសម្របសម្រួល។
ពីធីប្រកាសបង្កើតវិទ្យាស្ថានអាស៊ីសម្រាប់ សន្តិភាព និងសម្របសម្រួលនេះ ត្រូវបានធ្វើឡើង បន្ទាប់ពីសម្តេចនាយករដ្ឋមន្ត្រី ហ៊ុន សែន បានអានសុន្ទរកថា បើកកិច្ចប្រជុំកំពូលអាស៊ាន លើកទី២១ នាព្រឹកថ្ងៃអាទិត្យ ទី១៨វិច្ឆិកា ឆ្នាំ២០១២។
សូមបញ្ជាក់ថា នៅមុនការបើកកិច្ចប្រជុំកំពូលអាស៊ាន លើកទី២១ នៅម៉ោង ៩ និង ២០ នាទីព្រឹក ថ្ងៃទី១៨ ខែវិច្ឆិកា ឆ្នាំ២០១២ នេះ បណ្ដាមេដឹកនាំនៃប្រទេសទាំងឡាយជាសមាជិករបស់អាស៊ាន ទាំង ១០ ប្រទេស រួមទាំងអ្នកចូលរួមកិច្ចប្រជុំ បានចំណាយពេលមួយរយៈ ដើម្បីស្មឹងស្មាត គោរពព្រះវិញ្ញាណក្ខន្ធរបស់សម្តេចព្រះបរមរតនកោដិ ព្រះនរោត្តម សីហនុ ផងដែរ៕
ដោយ ៖ សីហា