កាលពីថ្ងៃទី១៥ មករា កន្លងមកនេះ ប្រជាជនម្នាក់នៅតំបន់ HAUTE-GARONNE របស់បារាំងបានប្រទះឃើញនៅលើមេឃនូវយន្តហោះធុនតូចមួយគ្រឿង ដែលដាំក្បាលចុះយ៉ាងលឿនដោយមានការរោទិ៍ម៉ាស៊ីនខ្លាំងហើយ កំពុងស្ថិតក្នុងស្ថានភាពលំបាក ។ យន្តហោះនេះបានបញ្ចេញផ្សេងពណ៌សយ៉ាងច្រើន ហើយធ្លាក់ចុះយ៉ាងឆាប់សំដៅព្រះ វិហារគ្រិស្ត PIN-BALMA ។ បុរសនេះមើលយន្តហោះនោះលែងឃើញទៀត ព្រោះបាំងផ្ទះទាំងឡាយ ហើយគាត់គិតថា អ្នកបើកពិតជាជួបប្រទះគ្រោះថ្នាក់ហើយ ។ ពេលនោះគាត់បានដើរទៅកាន់កន្លែងដែលយន្តហោះនេះដាំក្បាលចុះ ហើយឃើញយន្តហោះនេះនៅទីនោះ កណ្តាលចំការមួយ ។ យន្តហោះចតនៅស្ងៀម ហើយវាពុំមានកង្ហារឡើយ ។ កង្ហារយន្តហោះនេះប្រវែង១,៥ម៉ែត្រ អាចជ្រុះធ្លាក់ក្នុងសួនរបស់ផ្ទះមួយ ។ ចំណែកអ្នកបើកនៅរស់ ហើយមានអាការៈភ័យយ៉ាងខ្លាំង ជាងការឈឺចាប់ ។ នេះជាអ្នកបើកយ៉ាងចំណានដែលអាចចុះចតយន្តហោះជួបគ្រោះអាសន្ន ក្នុងចំការមួយបាន ដែលនេះក៏ជាមហាសំណាងមួយដែរ ៕
http://kohsantepheapdaily.com.kh/art...18-232733.html