កាលពីម្សិលមិញ ក្រសួងមហាផ្ទៃបានរៀបចំធ្វើសន្និសិទកាសែតមួយ ដើម្បីបង្ហាញមុខចោរ
ប្លន់ ដែលជាជនដៃដល់បាញ់សម្លាប់ស្ត្រីអាជីវករប្តូរប្រាក់កាលពីពេលថ្មីៗកន្លងទៅនេះ ។
ជនជាប់ចោទ ឡាយ វណ្ណៈ
ក្រោយពីបានចាប់ខ្លួន ជនសង្ស័យម្នាក់ក្នុងចំណោមបក្សពួកចោរប្លន់ដែលបានបាញ់សម្លាប់
ស្រ្តីអាជីវករប្តូរប្រាក់នាពេលថ្មីៗកន្លងទៅនេះជននោះមានឈ្មោះថាឡាយ វណ្ណៈ ត្រូវបាន
បញ្ជូនមកកាន់ ស្នងការដ្ឋាននគរបាលរាជធានីភ្នំពេញ ដើម្បីធ្វើការសួរចំលើយ។ ឡាយវណ្ណៈ
បានសារភាពថា ខ្លួននិងបក្សពួក២នាក់ពិតជាបានប្លន់ស្ត្រីអាជីវករប្តូរប្រាក់យកប្រាក់តំលៃ
ជាង៣០០០0ដុល្លាមែន និងបានសារភាពថាខ្លួនគេជាអ្នកបាញ់សម្លាប់ស្រ្តីនោះដោយផ្ទាល់ដៃ
ផងដែរ។
សន្និសិទកាសែតនេះបានប្រារព្ធឡើងនៅវេលាម៉ោង២និង៣០ថ្ងៃទី៤ខែកញ្ញាឆ្នាំ២០១១ ដែលមានវត្តមានរបស់ លោកឧត្តមសេនីយ៍ឯក ម៉ក់ ជីតូ ប្រធាននាយកដ្ឋានកណ្តាល
នគរបាលយុត្តិធម៌ ក្រសួងមហាផ្ទៃ និងមន្ត្រីប៉ូលិសជាច្រើនរូបទៀត ។ ក្នុងសន្និសិទនេះ
លោកឧត្តមសេនីយ៍ឯក ក៏បានប្រកាសស្វែងរកចាប់ខ្លួន បក្សពួក២នាក់ផ្សេងទៀតគឺ៖
- ទី១ ឈ្មោះ យាន់ សុភ័ក្ត្រ ហៅ ប៉ុល សុភ័ក្ត្រ ហៅយក្ស ហៅក្របី ហៅប្រុស
- ទី២ ឈ្មោះ អ៊ឹង ងួន ហៅ អ៊ឹង ប៊ុនទី ហៅ ប៊ុន ទី អាយុ៣០ឆ្នាំ
ហើយលោកក៏បានអំពាវនាវ ដល់ប្រជាពលរដ្ឋទាំងអស់ សូមចូលរួមសហការ ផ្តល់ព័ត៌មាន
ដល់ប៉ូលីសពីទីកន្លែងលាក់ខ្លួនរបស់ជនសង្ស័យផងដែរដែលមានទូរស័ព្ទលេខទំនាក់ទំនង៖
- ០១២ ៨២២ ៨២២
- ០១២ ៥២៦ ៩១១
- ០១៧ ៦២២ ២២៦
- ០៨៨ ៨៧៩ ៧៧៧៧
ព័ត៌មានទាក់ទង៖
-
ភ្នំពេញ៖ ចោរប្លន់ប្រដាប់ដោយកាំភ្លើងខ្លីបាញ់សម្លាប់គ្មានអ្នកណាហ៊ានជួយឡើយ
- ជនសង្ស័យម្នាក់ក្នុងក្រុមពួកចោរប្លន់ដែលបាញ់សម្លាប់ស្រ្តីអាជីវករប្តូរប្រាក់ បានត្រូវ
ចាប់ខ្លួន
ប្រភព៖ នគរបាលជាតិ
ដោយ៖ មិនា