តាមប្រភពព័ត៌មានពីអគ្គស្នងការដ្ឋាននគរបាលជាតិបានឲ្យដឹងថា ជនសង្ស័យម្នាក់ក្នុងក្រុម
ពួកចោរប្លន់ដែលបាញ់សម្លាប់ស្រ្តីអាជីវករប្តូរប្រាក់នៅភូមិព្រៃទាសង្កាត់ចោមចៅ បានត្រូវ
ចាប់ខ្លួនកាលពីពេលព្រឹកថ្ងៃទី៣ខែកញ្ញាឆ្នាំ២០១១។
ប៉ូលិសបង្ហាញថា ជនជាប់សង្ស័យចោរប្លន់នោះ ឈ្មោះ ឡាយ វណ្ណៈ ហៅ អាឥណ្ឌា អាយុ
៣១ឆ្នាំ មានផ្ទះនៅឃុំអរិយ៍ក្សត្រ ស្រុកល្វាឯម ខេត្តកណ្តាល។ ប៉ូលិសក៏បានប្រាប់ឲ្យដឹងថា
ក្រោយពីបានឆែកឆេរផ្ទះ គេក៏រឹបអូសបានកាំភ្លើងកែច្នៃ ជាច្រើនដើមផងដែរ។ ក្រោយពីចាប់
ខ្លួនជនជាប់សង្ស័យចោរប្លន់ ឡាយ វណ្ណៈ នោះ ស្នងការដ្ឋាននគរបាលខេត្តកណ្តាល បាន
បញ្ជូនមកកាន់ ស្នងការដ្ឋាននគរបាលរាជធានីភ្នំពេញ ដើម្បីស្រាវជ្រាវបន្ត។
គួររំលឹកថា គ្រោះអកុសលនេះបានកើតឡើងនៅវេលាម៉ោង ១០និង២០នាទី ក្នុងខណៈ
ពេលដែលស្ត្រីរងគ្រោះកំពុងជិះម៉ូតូជាមួយកូនប្រុសធ្វើដំណើរចេញពីកន្លែងប្តូរប្រាក់មួយ
នៅម្តុំ ផ្សារអូឡាំពិក ខណ្ឌចំការមន ត្រឡប់ទៅផ្ទះនៅម្តុំរង្វង់មូលចោមចៅ ជាមួយកូន
ប្រុស។ ស្ត្រីរងគ្រោះឈ្មោះជួន ធារ៉ាអាយុ៤៨ឆ្នាំ ត្រូវចោរបាញ់៣គ្រាប់ ១គ្រាប់ចំលើដើម
ទ្រូងខាងឆ្វេង ធ្លាយទៅក្រោយ បានស្លាប់បាត់បង់ជីវិតពេលកំពុងបញ្ជូនទៅសង្គ្រោះនៅ
មន្ទីរពេទ្យ។ សកម្មភាពចោរប្លន់ទាំងកណ្តាលថ្ងៃនោះ ក៏ត្រូវបានគេថតវិដេអូតាមកាមេរ៉ា
សុវត្ថិភាព។ ហើយ វីឌីអូនេះក៏បានសុះសាយយ៉ាងលឿននៅលើបណ្តាញ Facebook ក៏ដូច
ជា Youtube។
Camnews ក៏បានចុះផ្សាយព័ត៌មាន និងវីឌីអូអំពីហេតុការណ៍នេះ ហើយក៏ទទួលបានមតិ
ជាច្រើនពីសំណាក់មិត្តអ្នកអាន។
ព័ត៌មានទាក់ទង៖
-
ភ្នំពេញ៖ ចោរប្លន់ប្រដាប់ដោយកាំភ្លើងខ្លីបាញ់សម្លាប់គ្មានអ្នកណាហ៊ានជួយឡើយ
- ប្រកាសមុខចោរប្លន់ ដែលជាជនដៃដល់បាញ់សម្លាប់ស្ត្រីអាជីវករប្តូរប្រាក់
ដោយ៖ មិនា