ជាមួយនឹងកំលាំងស្រូបចូលគ្នាយ៉ាងខ្លាំង របស់ដុំមេដែក Neodymium គំរូនាឡិកាឆ្លាតវៃ Gold Edition របស់ Apple ត្រូវបានគាបជាប់នៅកណ្តាល និងខូចខាតទាំងស្រុងតែម្តង។
អាន៖ Google បង្កើតគេហទំព័រ សម្រាប់ប្រឹក្សាយោបល់ ក្នុងការជ្រើសរើសទិញទូរស័ព្ទ Android
ក្រុម TechRax ដែលល្បីឈ្មោះជាមួយនឹងការបង្ហាញពិសោធ កំរិតនៃភាពរឹងមាំ នៃបណ្តាឧបករណ៍ បច្ចេកវិទ្យាជាច្រើន បានបន្តល្បែងលេងរបស់ខ្លួន តាមរយះការកំទេច Apple Watch។ បន្ទាប់ពីការ ពិសោធនូវភាពរឹងមាំតាមរយះការទម្លាក់ឧបករណ៍ចុះក្រោម ដាក់ឲ្យឡានកិន លើកនេះ នាឡិកាឆ្លាតវៃ របស់ Apple ម៉ូដែលមាសតំលៃ ១០០០០ ដុល្លារ ត្រូវបានគាបជាប់ជាមួយមេដែកពីរដុំ ដែលមានកំលាំង ស្រូបចូលគ្នាុយ៉ាងខ្លាំង។
អាន៖ អ្នកបច្ចេកវិទ្យាចិន ប្រលងប្រជែងគ្នា jailbreak iOS 9 ដែលល្បីមិនអាច jailbreak បាន
មេដែកទាំងពីរដុំ ត្រូវបានគេរុញឲ្យខិតជិតគ្នាបន្តិចម្តងៗ រហូតដល់គម្លាតជិតគ្នាមួយ វាក៏ស្រូបចូលគ្នា និងបានកំទេចនាឡិកាឆ្លាតវៃ Apple Watch Edition ឡើងខ្ទេច។ កំលាំងស្រូបទាញនៃមេដែកក្នុងករណី នេះ មានកំលាំងប្រហាក់ប្រហែលការទម្លាក់វត្ថុរឹងមានទម្ងន់ ៣០០ គីឡូក្រាម ទន្ទឹមនឹងនោះ កំលាំង កកិតដ៏ខ្លាំងរបស់មេដែកទាំងពីរ ក៏បានបង្កើតឲ្យមានបែកផ្កាភ្លើងព្រាកៗផងដែរ។
Apple Watch គឺជាគំរូនាឡិកាឆ្លាតវៃ ដែលទទួលបានជោគជ័យច្រើននៅលើទីផ្សារ។ ឧបករណ៍នេះ មានតំលៃចាប់ផ្តើមពី ៣៤៩ ដុល្លារឡើងទៅ ហើយម៉ូដែលខ្ពស់បំផុតមានតំលៃរហូតដល់ ១៧០០០ ដុល្លារឯណោះ៕
អាន៖ Sony: ស្មាតហ្វូន កខ្វក់ជាងបង្គន់សាធារណះ ទៅទៀត ម៉េចអ៊ីចឹង?
ប្រែសម្រួល៖ ករុណាប្រភព៖ TechRax, Vexpress