ខេត្តសៀមរាប ៖ យុវជនចំនួន៦នាក់បានត្រូវកំលាំងសមត្ថកិច្ចប៉ូលិសមូលដ្ឋាន និងអន្តរាគមន៍សហការគ្នាចាប់ឃាត់ខ្លួនបញ្ជូនទៅកាន់ការិយាល័យ ប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលខេត្ត ដើម្បីចងក្រងសំណុំរឿងបញ្ជូនទៅសាលាដំបូងដោយជាប់ពាក់ព័ន្ធទៅនឹង ករណីប៉ុនប៉ងចាប់រំលោភនារីម្នាក់មិនបានសំរេច ។ ការចាប់ខ្លួនយុវជនទាំង៦នាក់នេះបានធ្វើឡើងកាលពីវេលាម៉ោង ប្រមាណជាង១០យប់ ថ្ងៃទី១៦ ខែមករា នៅចំណុចប៉ែកខាងកើតកន្លែងកំសាន្តពេលល្ងាច �អង្គរ-ឃ្យុងយូ� ដែលជាទីកន្លែងពេញនិយមរបស់ក្រុមយុវវ័យណាត់ជួបគ្នាប្រព្រឹត្ត ខុសសីលធម៌សង្គម គឺសំដែងឆាកឈុតស្នេហាក្តៅសាច់នាពេលរាត្រីដោយពុំមានការអៀន ខ្មាស ។
មន្ត្រីសមត្ថកិច្ចបានឱ្យដឹងថា យុវជនទាំង៦នាក់នេះមាន១-ឈ្មោះណាត នីស អាយុ២៤ឆ្នាំ ២-ឈ្មោះឃុន តុង អាយុ២៣ឆ្នាំ, ៣-ឈ្មោះប៊ុន ធឿនវាសនា អាយុ១៩ឆ្នាំ, ៤-ឈ្មោះសែ ម៉ុន អាយុ២០ឆ្នាំ, ៥-ឈ្មោះជឿន ជៀវ អាយុ២៦ឆ្នាំ និង៦-ឈ្មោះហ៊ន សីហា អាយុ២៦ឆ្នាំ ។ អ្នកទាំង៦នាក់នេះមិនត្រូវបានប្រាប់ពីអាសយដ្ឋានពិតប្រាកដទេ ។ ចំណែកនារីរងគ្រោះដែលស្ទើរតែក្លាយជាចំណីតណ្ហាយុវជនទាំង៦នាក់ មានអាយុ២៦ឆ្នាំ ជាអ្នកលក់បុកល្ហុងនៅផ្សារដើមក្រឡាញ់ក្នុងសង្កាត់គោកចក ក្រុងសៀមរាប ។
លោកអ៊ុំ សាអាត អនុប្រធានការិយាល័យព្រហ្មទណ្ឌកំរិតស្រាលនៃស្នងការដ្ឋាននគរ បាលខេត្តដែលចុះទៅធ្វើកំណត់ហេតុសាកសួរក្រុមជនទាំង៦នាក់កាលពី យប់នោះបានថ្លែងប្រាប់តាមទូរស័ព្ទថា ជនសង្ស័យទាំង៦នាក់នេះត្រូវបានប្រគល់ទៅឱ្យសមត្ថកិច្ចការិយាល័យ ប្រឆាំងការជួញដូរមនុស្ស និងការពារអនីតិជននាព្រឹកថ្ងៃទី១៧ ខែមករា ដើម្បីបន្តនីតិវិធី បន្ទាប់ពីសមត្ថកិច្ចប៉ូលិសប៉ុស្តិ៍ស្លក្រាម និងកំលាំងប៉ូលិសអន្តរាគមន៍ចាប់ឃាត់ខ្លួននៅវេលាម៉ោងប្រមាណជាង១០ យប់ ថ្ងៃទី១៦ មករា ខណៈពេលជិះម៉ូតូល្បាត ហើយនារីរងគ្រោះបានរត់ទាំងភ័យតក់ស្លុតគេចពីការចាប់រំលោភ និងហៅឱ្យជួយ ។ លោកបានបន្តថា មុនពេលកើតហេតុ នារីរងគ្រោះ រួមជាមួយបក្សពួកជនសង្ស័យបាននាំគ្នាផឹកទឹកត្នោតជូរនៅកន្លែង កំសាន្តអង្គរ-ឃ្យុងយូ លុះពេលស្រវឹងរៀងៗខ្លួនក៏ហៅនារីរងគ្រោះឡើងជិះរថយន្តកាមរីមួយ គ្រឿង ដោយសន្យាថាជូនទៅផ្ទះ ។ ប៉ុន្តែពេលមកដល់ចំណុចខាងលើ ជនទាំងនោះក៏ធ្វើសកម្មភាពក្នុងបំណងចាប់រំលោភ ដោយអ្នកខ្លះចាប់ដៃ អ្នកខ្លះតោងជើង និងច្របាច់សព្វរាងកាយ រួចអូសនារីរងគ្រោះចុះពីលើរថយន្តចូលទៅក្នុងព្រៃ ។ ចាត់ទុកជាសំណាងល្អរបស់នារីរូបនេះ ដោយមានភ្លើងម៉ូតូបើកតំរង់មក ពួកយុវជនទាំងនោះក៏រត់គេចធ្វើឱ្យនារីរងគ្រោះមានឱកាសរត់រួច ហើយក៏ប្តឹងសមត្ថកិច្ច ។
ទោះជាបែបណា អ្នកវិភាគខ្លះដែលឃើញហេតុការណ៍នោះបានបញ្ចេញជាទស្សនៈថា ករណីនេះអាចជាករណីត្រូវរ៉ូវគ្នា ឬក៏មានការរៀបចំគំរោងទុកជាមុន ដើម្បីឱ្យក្រុមយុវជនដែលជ្រួលជ្រើមនឹងល្បែងស្នេហាជាក្រុមជាប់ អន្ទាក់ច្រើនជាងករណីចាប់រំលោភ ព្រោះបើពុំដូច្នោះទេ រឿងអីបានជានារីរងគ្រោះនោះយល់ព្រមផឹកស៊ីរហូតស្រវឹង ហើយឡើងជិះរថយន្តទៅតាមគេទាំងកណ្តាលអធ្រាត្របែបនេះទៅកើត ។ លោកវរសេនីយ៍ត្រី ម៉ី វុឌ្ឍី អនុប្រធានការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលខេត្តបានថ្លែងប្រាប់ តាមទូរស័ព្ទកាលពីរសៀលថ្ងៃទី១៧មករា ថា ជនសង្ស័យទាំង៦នាក់នេះនឹងត្រូវបញ្ជូនទៅកាន់សាលាដំបូងនៅថ្ងៃ នេះ (១៨ មករា) ក្រោយពីបញ្ចប់ការសាកសួរដើម្បីចាត់ការទៅតាមនីតិវិធី ទោះបីជាការប៉ុងប៉ងមិនបានសំរេចក៏ដោយ ៕
http://kohsantepheapdaily.com.kh/art...17-185930.html