រាជធានីភ្នំពេញ ៖ បុរសម្នាក់ត្រូវនគរបាលផ្នែកព្រហ្មទណ្ឌនៃអធិការដ្ឋានខណ្ឌដូន ពេញឃាត់ខ្លួនកាលពីវេលាម៉ោង៩និង៥៥នាទីព្រឹក ថ្ងៃទី១៥ មករា បន្ទាប់ពីជននេះលួចប្រាក់ចំនួន២ពាន់ដុល្លារអាមេរិក របស់នាយកក្រុមហ៊ុនសម្បទានព្រៃឈើនៅកម្ពុជាម្នាក់ក្នុងសណ្ឋាគារ កាំបូឌីយ៉ាណា ហើយព្យាយាមគេចខ្លួន ប៉ុន្តែគេចមិនរួច ។ តាមរយៈសកម្មភាពនេះបានបង្ហាញច្បាស់ថា �មនុស្សខ្ចាត់ភ្លាត់� មិនគួរយកខ្លួនបៀតនោះទេ ។
ជនសង្ស័យក្នុងសកម្មភាពខាងលើ ហើយត្រូវនគរបាលឃាត់ខ្លួននេះឈ្មោះអឿន ពុយស៊ូ ហៅវីស៊ូ ភេទប្រុស អាយុ២៤ឆ្នាំ ជនជាតិខ្មែរ ស្នាក់នៅផ្ទះជួលលេខ២៤ ផ្លូវលេខ៩៣ សង្កាត់ស្រះចក ខណ្ឌដូនពេញ ចំណែកឯជនរងគ្រោះជាដើមបណ្តឹងឈ្មោះ JORIS ARTHUR MARCEL ភេទប្រុស អាយុ៦១ឆ្នាំ ជនជាតិបែលហ្ស៊ិក ជានាយកក្រុមហ៊ុនសម្បទានព្រៃឈើ ស្នាក់នៅបន្ទប់លេខ៤៥៥ ជាន់ទី៤ ក្នុងសណ្ឋាគារកាំបូឌីយ៉ាណា សង្កាត់ចតុមុខ ខណ្ឌដូនពេញ ។
យោងតាមរបាយការណ៍របស់សមត្ថកិច្ចឱ្យដឹងថា កាលពីថ្ងៃទី១២ មករា វេលាម៉ោង៩យប់ ម្ចាស់ប្រាក់លោក JORIS ARTHUR MARCEL និងបុគ្គលិកម្នាក់ជនជាតិស្រីលង្កា បាននាំគ្នាទៅផឹកស៊ីនៅភោជនីយដ្ឋានប៊្លូឈីលី ហើយក៏បានជួបជាមួយជនជាប់ចោទឈ្មោះអឿន ពុយស៊ូ ហៅវីស៊ូ លុះដល់វេលាម៉ោង១រំលងអធ្រាត្រ លោក JORIS ARTHUR MARCEL បានទៅកន្លែងស្នាក់នៅមុន ។ ក្រោយមកស្រាប់តែជនជាប់ចោទបានទូរស័ព្ទសុំដេកជាមួយ១យប់ ពេលនោះលោក JORIS ARTHUR MARCEL ក៏បានយល់ព្រមឱ្យដេក លុះព្រឹកឡើងឆែកឆេរមើលអីវ៉ាន់ទើបដឹងថា បាត់លុយ...ក្រឡេកមើលពុយស៊ូ បាត់ឈឹង ៕
http://kohsantepheapdaily.com.kh/art...117-02108.html