Lumia 520 គឺជាម៉ូដែលទី 8 ក្នុងស៊េរី Lumia របស់ Nokia និងជាស្មាតហ្វូនប្រើ Windows Phone 8 ដែលមានតំលៃថោកបំផុត នៅលើទីផ្សារ គិតមកដល់ពេលបច្ចុប្បន្ននេះ។ តាមព័ត៌មានពីខាងNokia នេះគឺជា Version ពិសេស សំរាប់យុវវ័យ ដែលមានប្រាក់ចំណូលទាប។
បើទោះជាវា ស្ថិតនៅក្នុងស៊េរីថ្នាក់ទាប ប៉ុន្តែ Lumia 520 បំពាក់នូវរូបសណ្ឋានមិនអន់ឡើយ ដែលក្នុងនោះរួមមាន អេក្រង់ទំហំ 4 inch IPS កំរិតពន្លឺ 480 x 800 pixel, chip dual core Snapdragonល្បឿន 1 GHz, camera ក្រោយ 5 megapixel (មិនមានអំពួល flash) និងមានមេម៉ូរីក្នុង 8 GB (អាចបន្ថែមមេម៉ូរីក្រៅបាន)។
និយាយពីការរចនាម៉ូតវិញ Lumia 520 ប្រើសំបកធ្វើពី polycarbonate ដូច Lumia 620 ដែរ និងមាន 5 ពណ៌សំរាប់ជ្រើសរើស (ខ្មៅ, ស, ក្រហម, លឿង និង ខៀវ)។ វាមិនមានកាមេរ៉ាមុខទេ ចំនុចដែលគួរឲ្យចាប់អារម្មណ៍បំផុតនោះ គឺវានៅតែបំពាក់នូវបច្ចេកវិទ្យា Super Sensitive Touch ដែលអនុញ្ញាតឲ្យអ្នកប្រើប្រាស់អាច Touchscreen បានតាមរយះម្រាមដៃ រឺ កូនសោរក៏បាន។
តំលៃលក់របស់ Lumia 520 សំរាប់ទីផ្សារអន្តរជាតិគឺ 183 USD រីឯនៅប្រទេសវៀតណាម គឺលក់ក្នុងតំលៃ 3,850,000 ដុង(ប្រហាក់ប្រហែលនឹង 183 USD ដែរ)។ ចំណែក នៅកម្ពុជាយើង មិនទាន់ឃើញនាំចូលមកលក់នៅឡើយទេ៕
ដោយ៖ សិលាប្រភព៖ Zng