ភ្នំពេញ ៖ ខ្មាន់កាំភ្លើងជិះម៉ូតូម៉ាកណៃហក តែងតែធ្វើសកម្មភាពបាញ់បោះដោយសេរីមិនមានសមត្ថកិច្ចណាហ៊ាន បង្រ្កាបឡើយ ហើយជនរងគ្រោះបានត្រឹមតែនាំគ្នាទៅសម្រាកព្យាបាលនៅមន្ទីរពេទ្យ តែប៉ុណ្ណោះ។
នេះជាករណីទី២ហើយដែលបានកើតឡើង ក្នុងខណ្ឌដង្កោដែលបង្កឡើងដោយជនស៊ីវិលពីរនាក់ជិះម៉ូតូម៉ាក ណៃហក មានកាំភ្លើងជាប់នៅដៃផងបានបាញ់សំដៅប្រជាពលរដ្ឋស្លូតត្រង់គ្មាន ខ្លាចនរណាសោះនោះ។
ហេតុការណ៍ទីពីរនេះបានកើតឡើង កាលពីវេលាម៉ោង២៣និង១៥នាទី យប់ថ្ងៃទី១៦ ខែមករា ឆ្នាំ ២០១១ នៅភូមិព្រែកជីសាក់ សង្កាត់ចោមចៅ ខណ្ឌដង្កោ។ ជនរងគ្រោះមានឈ្មោះសួង វិចិត្រ ភេទប្រុស អាយុ២០ឆ្នាំ ជាកម្មករសំណង់ រងរបួស២គ្រាប់ ត្រង់ត្រកៀកបៀមគ្រាប់ចុងភ្លៅស្ដាំ និងគ្រាប់ទី២ត្រូវចុងភ្លៅ ឆ្វេងបៀមគ្រាប់ខាងក្នុង។ ជនរងគ្រោះទី២មានឈ្មោះកង វឌ្ឍនា ភេទប្រុស អាយុ២០ឆ្នាំ ជានិស្សិតនៅវិទ្យា ស្ថានជាតិគ្រប់គ្រង រងរបួសក្បាលដោយសារស្នាប់កាំភ្លើងជនខ្មាន់កាំភ្លើងវាយ អ្នកទាំងពីរមានទីលំនៅភូមិ ព្រៃដំបូក សង្កាត់ក្រាំងធ្នង់ ខណ្ឌដង្កោ។
សមត្ថកិច្ចបានឲ្យដឹងថា នៅថ្ងៃកើតហេតុជនរងគ្រោះទាំង២នាក់ បានទៅស៊ីការបងប្អូននៅភូមិព្រៃ សណ្ដែក សង្កាត់ចោមចៅ ខណ្ឌដង្កោ ពេលស៊ីការរួចក៏ហួសទៅចូលរួមក្នុងពិធីបង្កក់ក្មួយនៅក្នុងខណ្ឌ សែន សុខ។ លុះពេលត្រឡប់មកចូលរួមក្នុងពិធីមង្គលការវិញនៅភូមិព្រែកជី សាក់ តាមបណ្ដោយផ្លូវសហព័ន្ធរុស្ស៊ី ស្រាប់តែមានផ្ទុះស្នូរកាំភ្លើង២គ្រាប់ មិនដឹងមូលហេតុ ពេលនោះជនរងគ្រោះជិះខាងក្រោយ(សួង វិចិត្រ) បានស្រែកសួរអ្នកបើកបរម៉ូតូ រួចពេលនោះក៏ឃើញមានឈាមហូរចេញ ទើបដឹងថាខ្លួនបានត្រូវគ្រាប់កាំភ្លើង។
សមត្ថកិច្ចបន្តថា នៅពេលឃើញសភាពបែបនោះ ខ្លួនបានងាកទៅក្រោយឃើញមានម៉ូតូណៃហក ជិះ ដោយគ្នា២នាក់ ស្លៀកពាក់ស៊ីវិលមានកាំភ្លើងនៅនឹងដៃ(មិនស្គាល់ម៉ាក) បានជិះសំដៅមករកជនរងគ្រោះ ពេលនោះជនរងគ្រោះបានបន្ថែមល្បឿនជិះទៅមុខ ដោយបង្ហួសពេទ្យព្យាបាលផងនោះ ក៏ស្រាប់តែខ្មាន់កាំ ភ្លើង២នាក់នោះបន្ថែមល្បឿនមកកៀរម៉ូតូជនរងគ្រោះ រួចដើរសំដៅនិងនិយាយថា អញស្មានតែចោរ និយាយ រួចខ្មាន់កាំភ្លើង ក៏បានវាយជនរងគ្រោះ កង វឌ្ឍនា មួយស្នាប់កាំភ្លើងបែកក្បាល រួចក៏បានជិះម៉ូតូគេចខ្លួនបាត់ ទៅ ដោយមិនមានរំខានកម្លាំងសមត្ថកិច្ចនៅខណ្ឌដង្កោឡើយ៕
http://kampucheathmey.com/local-news...-04-37-24.html