iPhone 8 នឹងមានអេក្រង់ទំហំ 6 inch រីសូលូសឹន 4K ប្រើឆ្នាំងសាកគ្មានខ្សែ ស្ដើង និងស្រាលជាង iPhone 7។
យោងតាមអ្នករចនា Armend Lleshi ស្មាតហ្វូន iPhone 8 នឹងនៅតែមានរូបរាងដូចទៅនឹង iPhone 7 ។ ប៉ុន្តែ គែមខាងក្រោយនឹងមានរូបរាងជ្រុងជាងមុន។
បើទោះជាមានទំហំស្មើនឹង iPhone 7 ប៉ុន្តែ អេក្រង់របស់ iPhone 8 លាតសន្ធឹមដល់គែមដ៏ស្ដើងរបស់វា ដូច្នេះ វាធ្វើឱ្យអេក្រង់មានទំហំឡើងដល់ 6 inch ជំនួសឱ្យ4,7 inch ដូចបច្ចុប្បន្ន។ ប៊ូតុង Home របស់ម៉ាស៊ីននេះនឹងបាត់ខ្លួន ឧបករណ៍ស្កែនក្រយៅដៃនឹងត្រូវបានបំពាក់នៅខាងក្រោមអេក្រង់។
ជាមួយនឹងរីសូលូសឹនឡើងដល់ 4K អេក្រង់ iPhone 8 នឹងផ្ដល់រូបភាពយ៉ាងច្បាស់ ត្រជាក់ភ្នែក។
iPhone 8 របស់ Armend Lleshi មានកម្រាស់ 6,5 mm ទម្ងន់ 115 gram ស្ដើង និងស្រាលជាងច្រើនបើធៀបនឹង 7,1 mm និង 138 gram របស់ iPhone 7។
iPhone 8 នឹងបំពាក់ប្រូសេសឺរ Apple A11, RAM 4 GB។ ថ្មរបស់វាមានថាមពល 2.600 mAh ច្រើនជាង បើធៀបនឹង 1.960 mAh របស់ iPhone 7។
Logo Apple នឹងក្លាយជាអេក្រង់ទីពីរសម្រាប់បង្ហាញអំពីស្ថានភាពថាមពលថ្ម សារ។ល។
iPhone 8 ក៏នឹងប្រើបច្ចេកវិទ្យាសាកថ្មដោយមិនបាច់ប្រើខ្សែ ជាប្រការដែល iPhone ជំនាន់មុន មិនទាន់មាន។
ទូរស័ព្ទនេះនឹងមាន ៥ពណ៌ ក្នុងនោះ មានបន្ថែមពណ៌ស្វាយ ប៉ុន្តែ បំបាត់ចោលពណ៌ខ្មៅងងឹត។
ប្រែសម្រួល ៖ តារាប្រភព ៖ concept-phones