iPhone គែមមហាស្ដងហាក់ដូចជាមានគេស្គាល់ច្រើន ហើយពេលនេះ iPhone មិនមានគែម ទើបជាក្ដីស្រមៃរបស់អ្នកគាំទ្រ iPhone ។
ទំព័រ Bgr ដាកស្រង់ព័ត៌មានពី iDropNews ថ្មីៗនេះ បានចុះផ្សាយនូវគំនិតមួយស្ដីអំពី iPhone មិនមានគែមអេក្រង់ទាំង៤ចំហៀង ខណៈដែលជ្រុងទាំងឡាយរបស់ស្មាតហ្វូននេះ នៅតែមានរូបរាងកោង ដូចទៅនឹង iPhone បច្ចុប្បន្ន។
ក្រៅពីនេះ ជាមួយនឹង concept នេះ អ្នកនឹងលែងបានឃើញកាមេរ៉ាមុខ ប៊ូតុង Home រឹង ឬឧបករណ៍បន្លឺសម្លេងពេលហៅទូរស័ព្ទ នៅពីមុខ។
ថ្មីៗនេះ មានដំណឹងចចាមអារ៉ាមជាច្រើនដែលនិយាយថា Apple នឹងប្រើបច្ចេកវិទ្យាអេក្រង់ OLED សម្រាប់ iPhone 8 ហើយប៊ូតុង Home ត្រូវបានរើទៅដាក់នៅលើសេនសឺរស្កេនក្រយៅដៃ Touch ID ។ ដូច្នេះ Apple ប្រហែលជាលែងត្រូវការគែមខាងក្រោមទៀតហើយ។
បើដូច្នេះមែន បើសិនគេយកគំនិតស្ដីអំពី iPhone មិនមានគែម មកប្រែក្លាយជាការពិត ក៏វាជារឿងសមហេតុផល។ ប៉ុន្តែ នៅមានបញ្ហាមួយដែល Apple ត្រូវដោះស្រាយ នោះគឺ កាមេរ៉ាមុខ។
បើដូចទៅនឹងសព្វមួយដង គឺនៅសល់៩ខែទៀត ទើប Apple ឧទ្ទេសនាម iPhone ថ្មី។ ដូច្នេះ Apple នៅមានពេលវេលាច្រើនដើម្បីដោះស្រាយបញ្ហាខាងលើ។
ប្រែសម្រួល ៖ តារាប្រភព ៖ Bgr/TGDD