ប្លែកៗ៖ តាមការអោយដឹងពីគេហទំព័រដេលីមែល ដែលបានចុះផ្សាយកាលពីពេលថ្មីៗនេះថា នៅឯឆ្នេរសមុទ្រ ប្រទេសម៉ិចស៊ិក ឯណ្ណោះវិញ គេឃើញមានសត្វបបែល ដេកងាប់ជាច្រើនក្បាល។
ប្រភពពត៌មាន ពីអាជ្ងាធរក្នុងប្រទេសនេះ បានអោយដឹងថា រឿងរ៉ាវនេះ បានកើតឡើងនៅលើឆ្នេរ Veracruz ខណៈដែលមានសត្វបបែលចំនួន ៣០០ក្បាល បានងាប់ ដោយមិនដឹងពីមូលហេតុ។
សាក្សីម្នាក់ បាននិយាយថា សត្វបបែលនេះ គឺបានងាប់មុនពេលថ្ងៃរៈ ដោយសារតែរលក ស្របពេលដែល អ្នករស់នៅតំបន់នោះប្រាប់ថា បបែលទាំងនេះ ទំនងជាអ្នកនេសាទ បានចាក់ចោល ព្រោះគេគិតថា សត្វទាំងនេះ មិនអាចយកទៅលក់ក្នុងទីផ្សារបាន ដោយសារតែពួកវាមានជាតិពុល។
នាង Adriana Loredo បានអះអាងថា នាងពិតជាបានឃើញ ក្រុមអ្នកនេសាទ ចាក់ចោលបបែលទាំងនេះពិតមែន។ ទោះបីជាយ៉ាងណាក៏ដោយ ក្រុមអាជ្ងាធរ និងប៉ូលីស នឹងធ្វើការសហការគ្នា ដើម្បីស្វែងរកមូលហេតុពិតដែរ៕
ដោយ៖ រដ្ឋាប្រភព៖ dailymail