កាន់តែខិតជិតថ្ងៃដែល iPhone 5S និង iPhone 5C បង្ហាញខ្លួនជាផ្លូវការ ព័ត៌មានចចាមអារាមស្តីពីស្មាតហ្វូនថ្មីទាំងពីរ របស់ Apple បានលេចចេញមកកាន់តែច្រើន ជារៀងរាល់ថ្ងៃ។ ព័ត៌-មានថ្មីបំផុតនេះ គឺនិយាយអំពី បរិមាណថ្ម និងអំពូល flash ជំនួយពន្លឺ។
តាមគេហទំព័រ Phonearena, iPhone 5S នឹងត្រូវបំពាក់នូវសំបកធ្វើពីអាលុយមីញ៉ូម ជាមួយខ្នាតប្រវែងដូចនឹង iPhone 5 (7.6mm x 123.8mm x 58.6mm) បច្ចុប្បន្ន មានន័យថាទំហំអេក្រង់នៅតែរក្សាដូចមុនគឺ 4 inch។ ប៉ុន្តែ iPhone 5S នឹងធ្ងន់ជាង iPhone 5 បន្តិច ដោយសារតែថ្មមានបរិមាណខ្ពស់ជាង (បរិមាណ mAh ជ្រើនជាងមុន)។
ប្រភពព័ត៌មានដដែលក៏បានបង្ហាញឲ្យឃើញថា iPhone 5S របស់ Apple នឹងត្រូវបានបង្ហាញខ្លួននៅអាមេរិច ចុងខែ កញ្ញា ខាងមុខនេះ។ iPhone ជំនាន់បន្ទាប់នេះនឹងមាន កាមេរ៉ា 8MPជាមួយ aperture f/2.0 ដែលអនុញ្ញាតឲ្យស្មាតហ្វូន ថតរូបបានច្បាស់ល្អ ក្នុងលក្ខខណ្ឌខ្វះពន្លឺ។វាក៏បានបំពាក់នូវ Chip A7 លឿនជាងមុន និងមានបីពណ៌សម្រាប់ជ្រើសរើស ដូចជា ពណ៌ សខ្មៅប្រផេះ និងមាស។ iPhone 5S របស់ Apple នៅថែមទាំងបំពាក់នូវ ឧបករណ៍ Scan ម្រាមដៃនៅត្រង់ប៊ូតុង Home រុំព័ទ្ធដោយសារធាតុ Sapphire ទៀតផង។
មិនត្រឹមតែប៉ុណ្ណោះ រូបភាពគ្រឿងផ្សំមួយចំនួននៃ iPhone ជំនាន់បន្ទាប់ ក៏បានលេចេញចចាមអារាម ដែលបញ្ជាក់ថា ស្មាតហ្វូននឹងមានបំពាក់នូវអំពូល flash LED ពីរផងដែរ ដែលកត្តានេះ នឹងជួយឲ្យរូបភាពដែលថតពី iPhone 5S កាន់តែច្បាស់ល្អ ជាងមុនមួយកំរិតទៀត៕
ព័ត៌មានស្តីពីបច្ចេកវិទ្យាថ្មីៗ គួរឲ្យចាប់អារម្មណ៍ជាច្រើនទៀត សូមចុចត្រង់នេះ !!!
ដោយ៖ សិលាប្រភព៖ Vreview