កំពង់ធំ ៖ គ្រោះថ្នាក់ចរាចរមួយបានកើតឡើង កាលពីវេលាម៉ោង ១០.៣០ នាទីព្រឹកថ្ងៃទី១៥ ខែមករា ឆ្នាំ ២០១១ នៅលើកំណាត់ផ្លូវក្រាលគ្រួសក្រហម មួយខ្សែដែលលាតសន្ធឹងពីឃុំប្រឡាយ ទៅឃុំពពក នៅចំណុច ភូមិកន្ធានចាស់ ឃុំប្រឡាយ ស្រុកស្ទោង ខេត្តកំពង់ធំ ដោយសារមានករណីបើកឡានដោយល្បឿនលឿនពេក វ៉ាក់អឺរួចច្រឡំជាន់ប្រាំងក៏រអិលធ្លាក់ទៅនឹងប្រឡាយទឹកក្បែរ ចិញ្ចើមថ្នល់ ។
ហេតុការណ៍នោះបណ្តាលមកពីរថយន្ត ម៉ាក តូយ៉ូតពាក់ស្លាកលេខ កំពង់ធំ 2 B1099ពណ៌ទឹកប្រាក់ សាច់ញ្ញាតិជនរងគ្រោះបានអោយដឹងថា មុនពេលកើតហេតុ ឪពុកម្តាយរបស់គាត់បាននាំគ្នា ជិះរថយន្តខាងលើទៅចូលរួមពិធីមង្គលការនៅក្នុងឃុំពពក ស្រុកស្ទោង លុះមកដល់ចំណុចកើតហេតុ ដោយសារផ្លូវរអិលផងក៏ជាន់ហ្វ្រាំង ហើយផ្លោងទៅធ្លាក់ប្រឡាយតែម្តងជាហេតុធ្វើអោយផ្ទុះពងទាន់ដែល មិនបណ្តាលអោយមានអ្នកស្លាប់ តែមានរបួសធ្ងន់ ។
អ្នកបើកបរបានបាក់ដៃឆ្វេង ត្រូវបានគេស្គាល់ឈ្មោះ លី ប៊ុនសៀ អាយុ ៦២ ឆ្នាំ ជាថៅកែសំណង់ស្រុកស្ទោង មានប្រពន្ឋ ឈ្មោះ សៀន គឹមហៃ អាយុ ៦០ ឆ្នាំ បែកមុខយ៉ាងធ្ងន់គួរសម រស់នៅក្នុងភូមិ លាបទង ឃុំកំពង់ចិនត្បូងស្រុកស្ទោង ខេត្តកំពង់ធំក្រោយពេលកើតហេតុ រថយន្តសង្គ្រោះបានដឹកអ្នករបួសមកសំរាកព្យាបាលនៅមន្ទីរពេទ្យក្នុង ស្រុកស្ទោង៕
http://www.kampucheathmey.com/local-...-10-19-14.html