ព័ត៌មានកីឡា៖ Cristiano Ronaldo ត្រូវបានគេរាយការណ៍ថា កីឡាករមិនសប្បាយចិត្ដនឹង Real Madrid ទាល់តែសោះ ក្រោយពីដឹងថា ក្លឹបកំពុងតែមានការចាប់អារម្មណ៍តាមទិញយក Neymar ហើយផ្ដល់ទឹកប្រាក់ប្រចាំរដូវកាលច្រើនជាងខ្លួន។
គេហទំព័រ Sport ចុះផ្សាយបន្ដទៀតថា កីឡាករមិនសប្បាយចិត្ដនឹងបំណងរបស់លោក Florentino Perez នោះទេ ដែលគ្រោងលើទីផ្សារកីឡាករ Neymar ហើយរូបគាត់ក៏ជឿជាក់ផងដែរថា ពេលនៃអវសាន្ដក្នុងទឹកដី Real Madrid ក៏ជិតចូលមកដល់ផងដែរ។
មានការអាក់អន់ស្រពន់ចិត្ដរូចម្ដងហើយ ក្រោយពេលដែលកីឡាករបានដឹងថាក្លឹប ហ៊ានចំណាយលុយទិញកីឡាករ Gareth Bale ដែលមានតម្លៃខ្លួនថ្លៃ រហូតដល់ទៅ ១០០ លានយូរ៉ូ ។ ប៉ុន្ដែសម្រាប់លោក Florentino Perez ក៏មិនសប្បាយចិត្ដនឹងឥរិយាបទរបស់ Ronaldo វិញផងដែរ ដែលមានភាពខ្មាស់អៀន មិនព្រមបញ្ជាក់ពីការពិតឲ្យបានច្បាល់ថាតើ នឹងទៅណាឲ្យប្រាកដ ឬនៅទីនោះរហូត។
ដោយ៖ អឿ អ៊ុយ
ប្រភព៖ goal