(រ៉ងហ្គូន)៖ ក្រុមការពារតំណែងជើងឯកថៃ បានឈ្នះកៅអីឡើងទៅវគ្គពាក់កណ្តាលផ្តាច់ព្រ័ត្រជាផ្លូវការហើយ បន្ទាប់ពីយកឈ្នះក្រុមជម្រើសជាតិសិង្ហបុរី ១-០ នាល្ងាចថ្ងៃអង្គារ ទី២២ ខែវិច្ឆិកានេះ រកបាន៦ពិន្ទុឈរនៅកំពូលតារាងនៃពូល A ពីព្រឹត្តិការណ៍ពានរង្វាន់ AFF Suzuki Cup 2018 ក្នុងទឹកដីប្រទេសហ្វីលីពីន។
នេះជាការប្រកួតលើកទី២ដូចគ្នា សម្រាប់ក្រុមទាំងពីរក្នុងយុទ្ធនាការសន្សំពិន្ទុក្នុងតំបន់អាស៊ាន AFF Suzuki Cup បន្ទាប់ពីថៃបានយកឈ្នះឥណ្ឌូនេស៊ី ៤-២ នៅថ្ងៃបើកឆាក ដោយបានប្រើពេលជិត៩០នាទីជិតបញ្ចប់ម៉ោង ទើបអាចយកឈ្នះសិង្ហបុរីបាន ដោយលទ្ធផល ១-០ ពីការតែតបញ្ចូលទីដោយកីឡាករ Sarawut Masuk នៅនាទីទី៨៩។
ក្រុមជម្រើសជាតិដំរីថៃ ត្រូវជួបម្ចាស់ផ្ទះហ្វីលីពីននៅថ្ងៃទី២៥ ខែវិច្ឆិកា ឆ្នាំ២០១៦ មុនឡើងទៅវគ្គខ្វែងពូលជាមួយនឹង ពូល B ដែលមានកម្ពុជា កំពុងប្រជែងទល់នឹងក្រុមម្ចាស់ផ្ទះមីយ៉ាន់ម៉ា ម៉ាឡេស៊ី និងវៀតណាម៕
ផ្តល់សិទ្ធដោយ ៖ ខ្មែរថកឃីង