ភ្នំពេញ៖ មន្ត្រីតុលាការកម្ពុជា បានឲ្យដឹងថា ជនជាតិថៃ ២នាក់ ក្នុងចំណោម ៧នាក់ ដែលត្រូវបានចាប់ខ្លួនដោយកម្ពុជាពីបទចូកទឹកដីកម្ពុជាខុសច្បាប់ គឺសមាជិកសភា ផានិក វិគិស្រេត និង ណារុមុល ចិត្រាវ៉ារតនា ត្រូវបានតុលាការរាជធានីភ្នំពេញ ដោះលែងឲ្យនៅក្រៅឃុំនៅថ្ងៃព្រហស្បតិ៍នេះ។
លោក សុខ រឿន ព្រះរាជអាជ្ញារងតុលាការរាជធានីភ្នំពេញ បានថ្លែងថា តុលាការបានអនុញ្ញាតឲ្យសមាជិកសភាថៃ លោក ផានិក វិគិតស្រេត មកពីបក្សប្រជាធិបតេយ្យ និងលោកស្រី ណារុម៉ុល ចិត្រាវ៉ារតនា នៅក្រៅឃុះជាបណ្តោះអាសន្ន ដោយស្នាក់នៅស្ថានទូតថៃក្នុងរាជធានីភ្នំពេញ រង់ចាំការកាត់ក្តីនាពេលខាងមុខ។
លោក សុខ រឿន មានប្រសាសន៍ថា៖ �វាជាការពិត។ យើងបានដោះលែងពួកគេក្រោមការធានានៅក្រៅឃុំ តែពួកគេនៅតែស្ថិតនៅក្រោមការចោទប្រកាន់ដដែល�។
យោងតាមគេហទំព័របាងកក ប៉ុស្តិ៍ ដែលបានដកស្រង់សម្តីរបស់លោក ឆាវ៉ាណុន ឥន្ទ្រកុម៉ាលយ៉ាសុទ្ធ ជំនួយការរដ្ឋមន្ត្រីការបរទេស កាស៊ីត ភិរម្យ បានរាយការណ៍ថា ជនជាតិថៃទាំង ២នាក់នេះ ត្រូវបានដោះលែងជាមួយប្រាក់ធានា ១ម៉ឺនបាត ក្រោមលក្ខខណ្ឌបីចំណុច ក្នុងនោះ អ្នកទាំងពីរមិនត្រូវបានអនុញ្ញាតឲ្យចាកចេញពីប្រទេសកម្ពុជា។ មន្ត្រីថៃរូបនេះបន្តថា មនុស្សទាំង ២នាក់នេះ ត្រូវបាននាំចេញពីគុកព្រៃស មកកាន់ស្ថានទូតថៃ នៅរាជធានីភ្នំពេញ នៅថ្ងៃនេះ។
ចំណែកជនជាតិថៃ ៦នាក់ទៀត ក្នុងនោះមានទាំង លោក វីរៈ ស៊ុំខ្វាមឃីត សហការីនៃបណ្តាញអ្នកស្នេហាជាតិថៃផងនោះ នៅតែបន្តស្ថិតនៅក្នុងការឃុំខ្លួនដដែល៕
http://khmer.phnompenhpost.com/index...ion&Itemid=102