លោក សួង សុភ័ណ្ឌ ប្រធានចលនាយុវជនគណបក្ស សម រង្ស៊ី បានដឹកនាំយុវជនរបស់គណបក្ស សម រង្ស៊ី ដែលមានគ្នាប្រមាណជាជាង ១០០ នាក់ ប្រមូលផ្តុំគ្នានៅទីលានប្រជាធិបតេយ្យ ដើម្បីទាមទារឲ្យរដ្ឋាភិបាលដោះលែងអ្នកទោសនយោបាយ ដោះលែងសកម្មជនសិទ្ធិមនុស្ស និងសកម្មជនដីធ្លី កាលពីព្រឹកថ្ងៃទី៨ ខែវិច្ឆិកា ឆ្នាំ២០១២ នេះ។
ប្រភពព័ត៌មានបានអោយដឹងថា ក្រុមយុវជនទាំងនោះ ក៏មានផែនការដើរហែញត្តិទៅព្រះបរមរាជវាំង និងទៅគោរពស្នាព្រះហស្ដរបស់អតីតព្រះមហាក្សត្រ សម្តេចព្រះមហាវីរក្សត្រ នរោត្តម សីហនុ នៅវិមានឯករាជ្យផងដែរ។
នៅក្នុងព្រឹកនេះដែរ នៅឯសួនច្បារមុខស្ថានទូតអាមេរិក ក្បែរវត្តភ្នំ ក៏មានប្រជាពលរដ្ឋមួយក្រុម មានគ្នាប្រហែលជា ៥០នាក់ បានប្រមូលផ្ដុំគ្នា ដើម្បីតវ៉ា និងស្នើអោយដោះលែង អ្នកស្រី យ៉ោម បុប្ផាដែលត្រូវបានចាប់ខ្លួន ដោយសារបញ្ហាដីធ្លី កាលពីពេលថ្មីៗនេះផងដែរ។
ដោយ ៖ សូរីយ៉ា