កីឡាករ Cristiano Ronaldo បានធ្វើអោយ ទស្សនិកជនជាកុមារាម្នាក់នៅ Bournemouth របួសបាក់ដៃដោយអចេតនា ក្នុងការប្រកួតមិត្តភាពរបស់ Real Madrid ជាមួយក្រុម Bournemouth ។
កុមារាដែលត្រូវរបួសនោះ មានឈ្មោះថា Charlie Silverwood ១១ ឆ្នាំ ដែលជាទស្សនិកជនកំពុងទស្សនាការប្រកួតបាល់ទាត់នៅកីឡាដ្ឋាន Dean Court ។ ឪពុករបស់ Charlie ក៏បានឃើញបាល់ Free Kick របស់ Ronaldo ហោះមករក Charlie ដែរតែមិនអាចជួយទាន់ ធ្វើអោយCharlie របួសបាក់ដៃតែម្តង តែក៏មិនជាធ្ងន់ធ្ងរដែរ ព្រោះអាចព្យាបាលវិញបាន ។
ដើម្បីជាការសុំទោស និង សងជំងឺចិត្ត Ronaldo បានជូនអាវរបស់ខ្លួន ដែលមានចុះហត្ថលេខាដោយផ្ទាល់ ហើយយកទៅអោយ Charlie ដល់ផ្ទះតែម្តង ធ្វើអោយ Charlie សប្បាយចិត្តជាខ្លាំង ។គួរបញ្ជាក់ផងដែរថា បាល់ Free Kick នេះមានចំងាយដល់ទៅ ៣៥ ម៉ែត តែដោយសារកំឡាំងជើងរបស់ Ronaldo វាពិតជាមានកំលាំងខ្លាំងមែន ៕
ដោយ ៖ កុសលប្រភព ៖ dailymail