ភ្នំពេញ ៖ អគ្គិភ័យមួយបានឆាបឆេះលំនៅឋានប្រជាពលរដ្ឋនៅផ្ទះ លេខ១០៨ E1 ជាន់ទីមួយ ផ្លូវលេខ១៨២ នៅក្បែរផ្សារអូរឫស្សី ក្នុងសង្កាត់ បឹងព្រលឹតខណ្ឌ៧មករា កាលពីវេលាម៉ោងប្រមាណ១០ព្រឹក ថ្ងៃទី១២ ខែមករា ឆ្នាំ២០១១។
សេចក្ដីរាយការណ៍ពីកន្លែងកើតហេតុបានឲ្យដឹងថា សមត្ថកិច្ចប៉ូលិស កងរាជអាវុធហត្ថ និង មន្រ្តីពន្លត់អគ្គិភ័យ បានចេញប្រតិបត្តិការពន្លត់ដោយប្រើប្រាស់រថយន្តបាញ់ទឹកប្រមាណជា១០ គ្រឿងបន្តបន្ទាប់គ្នាដើម្បីបាញ់ពន្លត់គ្រប់គ្រងអគ្គិភ័យ។
សមត្ថកិច្ចមិនទាន់បញ្ជាក់ពីមូលហេតុនៃការបង្កជា អគ្គិភ័យនោះនៅឡើយទេ ហើយទំហំនៃការខូចខាតក៏មិនទាន់ដឹងចំនួនពិតប្រាកដនៅឡើយដែរ ព្រោះផ្សែងខ្មួលខ្មាញ់កំពុងតែចេញពីក្នុងផ្ទះ ដែលកើតអគ្គិភ័យនោះ។
សេចក្ដីរាយការណ៍លំអិតកម្ពុជាថ្មីនឹងផ្សាយជូនជាបន្តបន្ទាប់ទៀត៕
http://www.kampucheathmey.com/local-...-04-22-42.html