វីដេអូ៖ បុរសតាំងខ្លួនជានគរបាលម្នាក់ បាញ់គំរាមគេឯង នៅទីសាធារណៈ

នៅក្នុងទំព័រ Youtube កាលពីថ្ងៃទី ២៦កន្លងទៅ មានវីដេអូមួយបង្ហាញពីសកម្មភាពរបស់បុរសម្នាក់ ប្រើប្រាស់កាំភ្លើងខ្លីបាញ់ពីរ បីគ្រាប់ទៅលើដី ក្នុងបំណងគំរាមដល់ស្ដ្រីមួយចំនួននៅកន្លែងកើតហេតុ។

ខ្សែវីដេអូខ្លីនេះ ត្រូវបានបង្ហោះនៅលើទំព័រ Youtube ដោយគណនីមួយដែលមានឈ្មោះថា Sovath Loun ។ វីដេអូដែលត្រូវបានដាក់ចំណងជើងថា    violation police shooting and threat to people in Cambodia នេះ ត្រូវបានម្ចាស់គណនីសរសេរថា ៖   មេប៉ូលីស យកកាំភ្លើងបាញ់គំរាម ប្រជាជន ស្វាគមន៍កិច្ចប្រជុំអាស៊ាន ២៣ វិច្ឆិកា​២០១២។​ សង្គមអានាធិបតេយ្យ មិនគោរពច្បាប់ជាធំ   យកអញជាធំ អាងអំនាចកោងកាចឃោឃៅ     គឺវាដូច្នេះឯង Violation police threat      and shooting to people while Asian Meeting 23,Nov,2012 in Cambodia។

តាមរយៈការបញ្ចេញមតិរបស់ម្ចាស់គណនីនេះ    គេអាចសន្និដ្ឋានបានថា   ហេតុការណ៍ក្នុងខ្សែវីដេអូ បានកើតឡើងតាំងតែពីថ្ងៃទី ២៣ វិច្ឆិកា ឆ្នាំ ២០១២ ខណៈដែលកម្ពុជាទើបតែបានបញ្ចប់កិច្ចប្រជុំកំពូលអាស៊ានបានប៉ុន្មានថ្ងៃ។

សកម្មភាពរបស់បុរសម្នាក់ដែលបានអះអាងថា ខ្លួនជាមេនគរបាលម្នាក់ដែរនោះ    បានធ្វើឱ្យមានការប្រតិកម្មមួយចំនួនពីមន្ដ្រីនគរបាល។សមត្ថកិច្ចបានថ្លែងថា នឹងរក្សាអាថ៌កំបាំង ចំពោះអ្នកណាដែលបានផ្ដល់ព័ត៌មានស្ដីពីអត្តសញ្ញាណរបស់ជនល្មើសនេះ ហើយសមត្ថកិច្ចនឹងតាមចាប់ខ្លួន យកមកផ្ដន្ទារទោសតាមច្បាប់។

ដោយ ៖ សីហាប្រភព ៖ YT