កាលពីព្រឹកថ្ងៃទី ២៦ ខែកក្កដា ឆ្នាំ ២០១១ នេះ នៅសណ្ឋាគារ កាបូឌីយ៉ាណា ក្នុងទីក្រុង
ភ្នំពេញ មានបើកកិច្ចប្រជុំមួយដែលមានឈ្មោះថា Forum វិនិយោគិនវៀតណាមក្នុងប្រទេស
កម្ពុជា ដែលគោលដៅចំបងនៃកម្មវិធីនេះគឺសំដៅលើការពិភាក្សាគ្នារវាងអ្នកវិនិយោគទុន
វៀតណាមទាំងឡាយដែលកំពុងតែធ្វើវិយោគក្នុងព្រះរាជាណាចក្រកម្ពុជា ក្នុងនោះរួម
មានការចែករំលែកបទពិសោធន៍គ្នាទៅវិញទៅមក ក៏ដូចជាការលើកឡើងអំពីបញ្ហា ទាំង
ឡាយដែលបណ្តាក្រុមហ៊ុន សហគ្រាស កំពុងជួបប្រទះ និងពិភាក្សាគ្នាអំពីដំណោះស្រាយ
ទូទៅក្នុងគោលដៅពង្រឹងបន្ថែមនូវសមត្ថភាព និងគុណភាព នៃសមិទ្ធិផលដែលពួកគេបាន
ផលិតដើម្បីបំពេញតំរូវការនៅលើទីផ្សារប្រទេសកម្ពុជា ក៏ដូចជាអ្នកប្រើប្រាស់ទូទៅ អោយ
បានកាន់តែប្រសើរឡើង។
ក្នុងកិច្ចប្រជុំនេះមានវត្តមានដ៏ខ្ពងខ្ពស់របស់ លោកឯកអគ្គរដ្ឋទូតប្រទេសវៀតណាមប្រចាំ
ព្រះរាជាណាចក្រកម្ពុជា ឯកឧត្តម Ngo Anh Dung , លោក Le Danh Vinh អនុរដ្ឋមន្ត្រី ប្រចាំ
ការ ក្រសួងឧស្សាហកម្មពាណិជ្ជកម្ម ,លោក Nguyen Van Sy អនុប្រធាន នាយកដ្ឋាននៃ
គណៈកម្មការស្តីអំពីប្រជាជនវៀតណាមនៅឯបរទេស,លោក Tran Van Toi អនុប្រធាន សមគមន៍ប្រជាជន វៀតណាម ប្រចាំកម្ពុជា ,លោក Nguyen Van Dinh ប្រធានសមាគមន៍
ពាណិជ្ជកម្ម វៀតណាមប្រចាំនៅប្រទេសកម្ពុជា និង វត្តមានបណ្តាម្ចាស់ក្រុមហ៊ុន និង
សហគ្រាសវៀតណាមប្រចាំប្រទេសកម្ពុជាជាច្រើនរូបទៀត ។
កិច្ចប្រជុំនេះប្រព្រឹត្តទៅដោយរលូន ក្នុងនោះលោកឯកអគ្គរដ្ឋទូតក៏បានធ្វើការវាយតំលៃ
ខ្ពស់អំពីកិច្ចសហប្រតិបត្តិការល្អ រវាងប្រទេសទាំងពីរ វៀតណាម កម្ពុជា និង បានលើកទឹក
ចិត្តបណ្តាក្រុមហ៊ុន និង សហគ្រាសទាំងឡាយអោយខិតខំធ្វើយ៉ាងណា ដើម្បីពង្រឹងបន្ថែម
នូវគុណភាពសមិទ្ធិផល របស់ខ្លួនដើម្បីបំពេញតំរូវការទីផ្សារក្នុងប្រទេស កម្ពុជា ក៏ដូចជា
ដើម្បីធ្វើការប្រកួតប្រជែង ជាមួយផលិតផលបរទេសមួយចំនួន រួមមាន ប្រទេស ថៃ និង
ប្រទេសចិន ជាដើម... ៕
ម្ចាស់ក្រុមហ៊ុន សហគ្រាសវៀតណាម
មានវត្តមានក្នុងកិច្ចប្រជុំ
ម្ចាស់ក្រុមហ៊ុនបានឡើងផ្តល់មតិទៅវិញទៅមក
(រាយការណ៏ដោយ រដ្ឋា