ព័ត៌មានកីឡា៖ ថ្នាក់ដឹកនាំក្លឹប ទាំងពីរ គឺលោក Jose Mourinho និង Arsene Wenger ដែលត្រូវបានគេស្គាល់ ថាជាដៃគូរសត្រូវកន្លងមកនោះ បានជាប់ឈ្មោះជា បេក្ខជនប្រកួតជ្រើសរើសជាគ្រូបង្វឹក ដ៏ឆ្នើមប្រចាំឆ្នាំ 2015 ដោយ FIFA ។
FIFA បានសម្រេចជ្រើសរើស អ្នកទាំងពីរចូលរួមឈរឈ្មោះ ជាបេក្ខជន ប្រកួតប្រជែងយកតំណែងជា កំពូលគ្រូបង្វឹកដ៏ឆ្នើមប្រចាំឆ្នាំ ស្របពេលនោះផងដែរ សមាសភាពគ្រូបង្វឹកផ្សេងក្នុងបណ្ដាក្លឹប នៅ Premier League គឺមិនមាននោះទេ។
លោក Jose Mourinho រដូវកាលមុន បានដឹកនាំក្លឹប Chelsea ឲ្យលើកពានដល់ទៅ ពីរ ស្របពេល រដូវកាលតែមួយ គឺ Premier League នឹង Capital Onecup ដែលជាគុណសប្បត្ដិមួយ ឈានឲ្យលោក មានឱកាសបានចូលរួម ក្នុងការប្រកួតប្រជែងនេះ ។ ប៉ុន្ដែទោះជាយ៉ាងណាក៏ដោយ កន្លងមក លោក Jose Mourinho ក៏ធ្លាប់ទទួលបានពានរង្វាន់នេះហើយដែរ កាលពីឆ្នាំ ២០១០ ជាប់លេខ១ ២០១២ ជាប់លេខ៣ និង ២០១៣ ជាប់លេខ ២។ ចម្លែកអីតែលោក Arsene Wenger នោះទេ ដែលមិនធ្លាប់ចូលរួមទាល់តែសោះ ។
សមាសភាពបេក្ខជនចូលរួមមានដូចជា ៖
Massimiliano Allegri ជនជាតិ Italy នៅក្នុងក្លឹប Juventus
Carlo Ancelotti ជនជាតិ Italy នៅក្នុងក្លឹប Real Madrid
Laurent Blanc ជនជាតិ France នៅក្នុងក្លឹប Paris Saint-Germain
Unai Emery ជនជាតិ Spain នៅក្នុងក្លឹប Sevilla FC
Pep Guardiola ជនជាតិ Spain នៅក្នុងក្លឹប FC Bayern Munich
Luis Enrique Martinez ជនជាតិ Spain នៅក្នុងក្លឹប FC Barcelona
Jose Mourinho ជនជាតិ Portugal នៅក្នុងក្លឹប Chelsea
Jorge Sampaoli ជនជាតិ Argentina នៅក្នុងក្រុមជម្រើសជាតិ Chilean
Diego Simeone ជនជាតិ Argentina នៅក្នុងក្លឹប Atletico Madrid
Arsene Wenger ជនជាតិ France នៅក្នុងក្លឹប Arsenal
ដោយ៖ អឿ អ៊ុយ
ប្រភព៖ Mirror