ព័ត៌មានកីឡា៖ ក្លឹប Man United បានត្រៀមខ្លួនជាស្រេចដើម្បីផ្ដល់ឲ្យនូវកិច្ចកុងត្រាជាមួយនឹងទឹកប្រាក់ ដល់ទៅ ៤០ ម៉ឺនយូរ៉ូ ក្នុងមួយសប្ដាហ៍ដល់កីឡាករ ខ្សែប្រយុទ្ធរបស់ក្លឹប Bayern Munich គឺ Thomas Muller។
Man United មួយការប្រកួតចុងក្រោយនេះ ដូចជាកាន់តែមាន ភាពយ៉ាប់យឺជាងរាល់ដង ដោយក្លឹបត្រូវ ក្រុមភ្ញៀវ Southampton ស៊ីដាច់បានត្រឹមលទ្ធផលពិន្ទុ ០-១ ធ្វើឲ្យក្លឹបធ្លាក់មកនូវលំដាប់លេខរៀងទី ៥ក្នុងតារាង Premier League ។ លទ្ធផលពេលនោះ ថ្នាក់ដឹកនាំក្លឹប លោក Louis Van Gaal ត្រូវបានគេដឹងថា បម្រុងនឹងបោះបង់តំណែងទៅហើយ ប៉ុន្ដែត្រូវអនុសប្រធានក្លឹប ផ្ដល់ឱកាសឲ្យគិតឡើងវិញជាថ្មី មុនសម្រេចចិត្ដ។
បើទោះបីជាដំណើរទៅមុខរបស់លោក Van Gaal មានភាពមិនច្បាស់លាស់ នាពេលអនាគត ប៉ុន្ដែទំនាក់ទំនងទីផ្សារកីឡាករ ក្លឹប មិនបានបោះបង់ចោលនោះទេ ដោយស្ថិតក្នុងគម្រោងរៀបចំដដែល ទោះបីជាប្ដូរថ្នាក់ដឹកនាំក៏ដោយ។ ហើយគោលដៅចង់ផ្ទេរកីឡាករ Thomas Muller កើតចេញតាំងពីពីររដូវកាលមក ប៉ុន្ដែនៅមិនទាន់ដាច់ស្រេច ហើយរដូវកាលមុន កីឡាករក៏បានឆ្លើយតបទៅកាន់ ក្លឹបដោយបដិសេធ មិនទៅនោះទេ រហូតមកទល់ពេលនេះ ក្លឹបក៏ផ្ដល់ឱកាសជាថ្មីជាមួយនឹងទឹកប្រាក់ប្រចាំសប្ដាហ៍គឺ ៤០ ម៉ឺនយូរ៉ូ។
ដោយ៖ អឿ អ៊ុយ
ប្រភព៖ futnsoccer