លោក Bradley Wiggins ដែលជាជើងឯក្នុងការប្រណាំង Tour de France ដែរនោះបាន និយាយថា លោក Lance Armstrong ប្រហែលជាមិនព្រមទទួលកំហុស ក្នុងការប្រព្រឹត្ត គ្រឿងញៀនទេ ពីព្រោះលោក Armstrong គឺជាមនុស្សចចេសរឹងរុស ហើយលោកបាន បាត់បង់ប្រយោជន៍ជាច្រើនពីទោសកំហុសមួយនេះ។
រូបភាព៖ លោក Bradley Wiggins
Wiggins បានបន្តទៀតថាលោក Armstrong គួរតែប្រឈមមុខសារភាពទទួលកំហុសដើម្បី អនាគតកិត្តិយរបស់កីឡាប្រណាំងកង់។ ហើយប៉ុន្មានរយៈមកនេះលោក Armstrong នៅ សំងំស្ងៀមមិនទទូលកំហុស ដែលធ្វើឲ្យកីឡាករដទៃមានការខឹងសំបារជាខ្លាំង។
សូមបញ្ជាក់ថា លោក Armstrong ដែលជាម្ចាស់ជើងឯក Tour de France ប្រាំពីរជំនាន់ត្រូវ បានពិន័យយ៉ាងធ្ងន់ធ្ងរ និងមិនឲ្យប្រណាំងកង់មួយជីវិត។ ហើយករណីលោក Armstrong នេះត្រូវបានភ្នាក់ងារប្រឆាំងគ្រឿងញៀនរបស់សហរដ្ឋអាមេរិក (Usada) ចាត់ទុកថាជា “ការបោកប្រាស់ដ៏អាក្រក់បំផុតរបស់កីឡាករជោគជ័យដ៏ល្បីឈ្មោះ ក្នុងការប្រើប្រាស់គ្រឿងញៀនដែលពុំធ្លាប់មានពីមុនមក”៕
ដោយ៖ តុលា
ប្រភព៖ bbc