(មេនឆេស្ទើ)៖ ក្រុមបិសាចក្រហម Manchester United បានហាលអាវដោយជោគជ័យហើយ បន្ទាប់ពីលេងបានស្មើ លទ្ធផល ១-១ យប់មិញទៀតក្នុងទឹកដីនៃកីឡដ្ឋាន Old Trafford របស់ខ្លួន បញ្ចប់ជើងទី២ នៃពានប្រចាំទ្វីបអឺរ៉ុប UEFA Europa League ក្នុងវគ្គ១៦ក្រុម ។
សារព័ត៌មាន Dailymail បានផ្សាយថា នេះជាពានទី២ ប្រចាំទ្វីបអឺរ៉ុប ដែលបិសាចក្រហម Man Utd មិនអាចឈ្នះបាន ក្រៅពីជ្រុះចេញពីពានធំ UEFA Champions League តាំងពីក្នុងពូល គ្រាដែល Anthony Martial បានស៊ុតបាល់ ប៉េណាល់ទីនាំមុខនៅនាទីទី៣២ តែត្រូវបាន Philipe Coutinho តាមបានស្មើវិញនៅនាទីទី៤៥ មុនពេលវគ្គទី២ពុំមាន ការស៊ុតបញ្ចូលទីគ្នាទៀតនោះ ក្រោមលទ្ធផលផ្លូវការ Manchester United ១ និង Liverpool ក្រោយជើងទី១ បាន បរាជ័យ ២-០ នៅកីឡដ្ឋាន Anfield ដោយមានលទ្ធផលទាំងពីរជើង Man Utd ១ និង Liverpool ៣ ។
សូមបញ្ជាក់ដែរថា ៨ក្រុមរង់ចាំចាប់ពូលគូប្រកួតនាល្ងាចនេះ គឺមានក្រុម Sparta Prague, Liverpool (អង់គ្លេស), Borussia Dortmund (អាល្លឺម៉ង់), Braga (ព័រទុយហ្គាល់), Athletic Bibao, Sevilla និង Villarreal របស់អេស្ប៉ាញ និង Shakhtar Donetsk របស់អ៊ុយក្រែន ។
លទ្ធផល ៧ប្រកួតផ្សេងទៀតនាយប់មិញនេះដូចគ្នា៖Bayer Leverkusen 0-0 VillarrealLazio 0-3 Sparta PragueValencia 2-1 Athletic BilbaoAnderlecht 0-1 Shakhtar DonetskBraga 4-1 FenerbahceSevilla 3-0 BaselTottenham Hotspur 1-2 Borussia Dortmund ៕
ផ្តល់សិទ្ធដោយ ៖ ហ្វ្រេសញូវអាស៊ី