ព័ត៌មានកីឡា៖ ក្លឹបកាំភ្លើងធំ Arsenal បានផ្ដួលម្ចាស់ពានរង្វាន់ Premier League គឺក្លឹប Chelsea យ៉ាងរដេបរដុបក្រោមលទ្ធផល ពិន្ទុ ១-០ ក្នុងព្រឹត្ដិការណ៍ប្រចាំឆ្នាំ FA Community Shield ក្នុងពហុកីឡាករដ្ឋាន Wembley ។
Arsenal បានសម្រេចគោលដៅរបស់ខ្លួន យ៉ាងធំបំផុតដោយបាន ផ្ដួលក្លឹប Chelsea ដណ្ដើមបានពានរង្វាន់ FA Community Shield ក្នុងដៃ ក្រោមបច្ចេកទេសនៃការរកគ្រាប់បាល់របស់កីឡាករ Alex Oxlade-Chamberlain នៅនាទីទី ២៤ ដោយជើងឆ្វេង។ Chelsea ក៏មានឱកាសស្វែងរកគ្រាប់បាល់ ផងដែរ ប៉ុន្ដែ មិនអាចគេចផុត ពីកណ្ដាប់ដៃការពាររបស់ អតីតអ្នកចាំទីរបស់ ក្រុមឡើយគឺ កីឡាករ Petr Cech។
លោក Arsene Wenger ពិតជាសប្បាយចិត្ដ និងនឹកស្មានមិនដល់ចំពោះលទ្ធផលរបស់ក្រុម ដែលអាចផ្ដួលChelsea ខណៈដែល ការប្រកួត ១៣ ដងកន្លងមក ក្រុមមិនដែលបានយកឈ្នះ ក្រុមនេះឡើយ។ ជាពិសេស កាលពីខែកុម្ភៈ ឆ្នាំ ២០១៤ លោក Jose Mourinho ធ្លាប់បានហៅ លោក Arsene Wenger ថា ជាអ្នកឯកទេស ខាងប្រកួតចាញ់ specialist in failure ។
ដោយ៖ អឿ អ៊ុយ
ប្រភព៖ ប៊ីប៊ីស៊ី