យោងតាមសេចក្តីប្រកាសរបស់ក្រសួងព័ត៌មានបានឲ្យដឹងថា ក្រុមហ៊ុនចិនឈ្មោះ Happy Shopping បានផ្សាយតាមកញ្ចក់ទូរទស្សន៍កម្ពុជាថា ខ្សែដៃប្លាទីនមានរូបព្រះនាងគង់ស៊ីអ៊ីម ជាខ្សែដៃមាន ប្រសិទ្ធភាព ក្នុងការទប់ស្កាត់ធាតុវិទ្យុសកម្ម អាចព្យាបាលជំងឺ មិនហើរពណ៌ មិនក្លាយនៅពេលគេដុតភ្លើង។
(រូបថតនេះមិនមែនជារូបភាពពិតរបស់ ផលិតផល)
ក្រសួងព័ត៌មាន បានហៅការផ្សាយពាណិជ្ជកម្មបែបនេះថា ជា�ការកុហក និងបំផ្លើស� មុនពេលហាមការផ្សាយបន្តនៅក្នុងប្រទេស ដើម្បីជាប្រយោជន៍សម្រាប់ប្រជាជន។
លោក ឈុំ សុជាតិ នាយកខុទ្ទកាល័យនៃក្រសួងព័ត៌មានបានថ្លែងថា ក្រសួងពាណិជ្ជកម្មបានត្រួតពិនិត្យខ្សែដៃ ហើយបានរកឃើញថា ផលិតផលនេះពុំអាចព្យាបាលជំងឺអ្វីនោះទេ។ ក្រសួងព័ត៌មានបានចេញប្រកាសព័ត៌មានមួយកាលពីម្សិលមិញដោយអំពាវ នាវឲ្យប្រព័ន្ធផ្សព្វផ្សាយទាំងអស់ ឈប់ផ្សាយពាណិជ្ជកម្មឲ្យក្រុមហ៊ុនចិនមួយដែលផ្សាយបំផ្លើសពី ផលិតផលដែលបោកបញ្ឆោតដល់អតិថិជន។
លោកបានបន្តថា៖ �ផលិតផលនេះនាំចូលដោយក្រុមហ៊ុនចិនមួយ ហើយវាផ្សព្វផ្សាយម្តងហើយម្តងទៀត នៅលើប្រព័ន្ធផ្សព្វផ្សាយមួយចំនួន។ ក្រសួងពាណិជ្ជកម្មកំពុងធ្វើរឿងដែលត្រឹមត្រូវ�។ លោកបានបន្ថែមថា ក្រសួងពុំបានទទួលការឆ្លើយតបពីក្រុមហ៊ុនទេ ហើយសា្ថនីយទូរទស្សន៍រាជធានីប៉ុស្តិ៍លេខ៣ ចាក់ផ្សាយពាណិជ្ជកម្មឲ្យផលិតផលនេះច្រើនជាងគេ។
លោក គង់ សាវឿន ប្រធានផ្នែកផ្សាយពាណិជ្ជកម្មនៅស្ថានីយទូរទស្សន៍ប៉ុស្តិ៍លេខ៣ បានអះអាងឲ្យដឹងថា ការផ្សាយពាណិជ្ជកម្មនេះ បានដកចេញពីបញ្ជីរបស់ស្ថានីយរួចហើយ។ លោកគង់ សាវឿន បានថ្លែងថា៖ �ខ្ញុំមិនបានឃើញការផ្សាយពាណិជ្ជកម្មនេះទៀតទេ�។
លោក ខៀវ កាញារីទ្ធ និងអ្នកតំណាងក្រុមហ៊ុន Happy Shopping មិនអាចទាក់ទងសុំការអត្ថាធិប្បាយបានទេកាលពីថ្ងៃពុធម្សិល មិញ៕