ខ្សែប្រយុទ្ធលេខមួយរបស់Real Madrid បានធ្វើអោយមានការភ្ញាក់ផ្អើលដល់អ្នកគាំទ្រ នៅពេលគាត់បាននិយាយថា គាត់ពូកែជាងLionel Messi ខាងBarca។
នេះមិនមែនជាលើកដំបូងទេដែលRonaldo និយាយវាយតំលៃពីសមត្ថភាពរបស់ខ្លួន។ មុននេះ កីឡាករតំលៃខ្លួនថ្លៃបំផុតពិភពលោកក៏បានធ្លាប់និយាយថា មនុស្សគ្រប់គ្នាច្រណែនខ្ញុំ ព្រោះខ្ញុំពូកែ មាន និងសង្ហា។ និយាយពីរឿងរបស់Cristiano Ronaldo ក្នុងការសម្ភាសន៏ជាមួយCNN World Sport កីឡាករលំដាប់កំពូលរបស់Real បានឲដឹងថា: “អ្នកមិនអាចធ្វើការប្រៀបធៀបរវាងរថយន្តFerrari និង Porscheបានទេ ព្រោះវាមានកំលាំងម៉ាស៊ីនខុសគ្នា។ ក៏ដូចជាMessi លេងបានល្អនៅBarca ចំណែកខ្ញុំលេងបានល្អនៅReal”។CR7 បានឲដឹងបន្ថែមថា: “ពិតជាមិនអាចជឿបានទេដែលខ្ញុំនិងMessi ធ្វើឲបាត់បង់ឯក្កតកម្មរបស់ខ្លួន វាពិតជារឿងមួយគួរឲភ្ញាក់ផ្អើល។ ខ្ញុំគិតថាពេលខ្ញុំនិងMessi បានប៉ះគ្នាក្នុងការប្រកួត រឿងនេះវាបានបកស្រាយថាហេតុអ្វីបានជាការប្រកួតប្រជែងរបស់យើងទាំងពីរស្ថិតក្នុងកំរិតមួយដ៏ខ្ពស់? Real និង Barca គឺជាក្លឹមពីរដែលលេងបាល់បានល្អបំផុតនៅលើពិភពលោក កីឡាករទាំងអស់នឹងមានការរីកចំរើននៅពេលដែលជួបគ្នានៅក្នុងការប្រកួត។
Ronaldo និងMessi កំពុងជាកីឡាករឆ្នើមបំផុតលើពិភពលោក
Ronaldo បន្ថែម: “កុំនិយាយរឿងអ្នកណាពូកែជាងអ្នកណា ព្រោះខ្ញុំមិនចូលចិត្តធ្វើការប្រៀបធៀបជាមួយអ្នកដ៏ទៃ។ មនុស្សមួយចំនួនកំនត់ថាខ្ញុំពូកែជាង អ្នកខ្លះទៀតនិយាយថាMessi ពូកែជាង”។ប៉ុន្តែនៅចុងក្រោយការសម្ភាសន៏ Ronaldo បានសន្មតថា: “អ្នកគាំទ្រនឹងអាចកំនត់បានថាអ្នកណាជាកីឡាករឆ្នើមជាងនៅពេលបច្ចុប្បន្ននេះ។ ខ្ញុំគិតថា ជាខ្ញុំ”៕
ដោយ៖ nanoប្រភព៖ zing