ព័ត៌មានកីឡា៖ ខ្សែប្រយុទ្ធជម្រើសជាតិអាហ្ស៊ង់ទីន ដែលលេងឲ្យក្លឹប Barcelona ឈ្មោះ Lionel Messi បានទទួចអះអាង ដោយសង្កត់ធ្ងន់ថា សមាសភាពតំណែងគូរប្រជែងទាំងបី គឺមិនសមណាមកជាប់ Ronaldo នោះទេ គួរតែជាមិត្ដរួមក្រុមកីឡាករ គឺ Luis Suarez។
សមាសភាពគូរប្រជែងជាម្ចាស់ពានរង្វាន់បាល់មាស ពិភពលោកប្រចាំឆ្នាំ ២០១៥ ទាំងបីត្រូវបានប្រកាសជាសាធារណៈកាលពីយប់មិញ ដោយមានដូចជា Cristiano Ronaldo Lionel Messi និង Neymar ដោយខុសប្លែកគ្នាទាំងស្រុងនឹងការគិតរបស់ Messi ថាគួរតែជា Luis Suarez ទៅវិញទេទើបសមជាង។ ខ្សែប្រយុទ្ធជួរមុខទាំងបីរបស់ Bacelona មាន Messi Suarez និង Neymar ហៅកាត់ MSN ស្វែងរកគ្រាប់បាល់ សរុបទៅ១២៥ នារដូវកាលចុងក្រោយ ដែលអាចជួយឲ្យក្លឹប ប្រជែងបានពានរង្វាន់ធំៗដល់ទៅពីរក្នុងពេលតែមួយ គឺ La Liga និង Champions League ។
Messi បានថ្លែងថា » ខ្ញុំចង់ឃើញមិត្ដសម្លាញ់យើងទាំងបី ឈរលើវេទិការជាមួយគ្នានៅថ្ងៃប្រកួតប្រជែងនោះ ប៉ុន្ដែបែជាទៅជាប់ Ronaldo យ៉ាងស្អាតទៅវិញ។ សង្ឃឹមថា ពួកយើងនឹងមានថ្ងៃនោះមិនខាន»។ រីឯ Neymar វិញក៏មានទស្សនៈចង់ឲ្យ Suarez ជាប់ផងដែរ ដោយកីឡាករបានថ្លែងថា Suarez គួរតែជាប់ជាមួយគ្នា ហើយ Messi គឺជាកីឡាករដែលគាត់ចូលចិត្ដនឹងគោរព ដូច្នេះគាត់គឺឈរលើលំដាប់លេខរៀងទី១ ក្នុងដួងចិត្ដ។
មិត្ដភាពអ្នកទាំងបីពិតជាស្អិតរមួតណាស់ បើគិតទៅ ហើយម្យ៉ាងវិញទៀត ដោយសារតែការខិតខំប្រឹងប្រែងរួមដៃគ្នាទើប Barcelona អាចលើកពានពីរក្នុងរដូវកាលតែមួយបាន កាលពីរដូលមុន។
ដោយ៖ អឿ អ៊ុយ
ប្រភព៖ Mirror