សេចក្តីប្រកាសព័ត៌មានរបស់ក្រសួងការពារជាតិកម្ពុជា បាននិយាយថា រដ្ឋមន្ត្រីការពារជាតិថៃ ប្រាវីត វង្សសុវណ្ណ បានស្នើសុំជួបចរចាជាមួយសមភាគីរបស់លោក គឺរដ្ឋមន្ត្រីការពារជាតិកម្ពុជា លោក ទៀ បាញ់ បន្ទាប់ពីប្រទេសទាំងពីរបានជាប់ផុងនៅក្នុងការប្រយុទ្ធបង្ហូរឈាមអស់រយៈពេល 5ថ្ងៃមកនេះ។
តាមសេចក្តីព័ត៌មានដដែលនេះ ដែលត្រូវបានផ្សព្វផ្សាយនៅថ្ងៃអង្គារនេះ បាននិយាយថា រដ្ឋមន្ត្រីការពារជាតិថៃ បានស្នើសុំជួបជាមួយលោកឧបនាយករដ្ឋមន្ត្រី រដ្ឋមន្ត្រីការពារជាតិ ទៀ បាញ់ នៅរាជធានីភ្នំពេញ ដើម្បីទម្លុះទម្លាយភាពទាល់ច្រកខាងយោធារវាងប្រទេសទាំងពីរ ដែលឈានទៅដល់ការប្រើប្រាស់កាំភ្លើងធុនធំវាយប្រហារគ្នាទៅវិញទៅមក។
(ដោយ៖ មិនា)