(ម៉ាឌ្រីដ)៖ មិននឹកស្មានក្រុមខ្លាំងស្តេចស Real Madrid បានបរាជ័យ ២-១ ក្នុងពហុកីឡដ្ឋាន Santiago Bernabeu របស់ខ្លួនយប់មិញនេះ ក្រោមថ្វីជើងរបស់ក្រុមភ្ញៀវ Celta Vigo សម្រាប់ជើងទី១ នៃពានរង្វាន់លំដាប់ទី២ អេស្ប៉ាញ Copa del Rey។
នេះជាការបរាជ័យលើកទី២ របស់ក្រុមជើងឯកពាន Champions League រដូវកាលមុន ក្រោមការដឹកនាំរបស់គ្រូបង្វឹក Zinedine Zidane ក្នុងចំណោមដឹកនាំលេង ៤២ប្រកួតនារដូវកាលថ្មីឆ្នាំ២០១៦-២០១៧ នេះ បន្ទាប់ពីទម្លាក់ក្រុម Sevilla ក្នុងវគ្គ១៦ក្រុមចុងក្រោយកាលពីសប្តាហ៍មុន ដើម្បីឡើងមកជួប Celta Vigo ក្នុងវគ្គ៨ក្រុមចុងក្រោយនេះ។
កីឡាករ Iago Aspas ជាអ្នកបំបែកពងមាន់ Keylor Navas នៅនាទីទី៦៤ មុនពេលដែលខ្សែការពារ Marcelo បានជួយឲ្យ Real Madrid តាមបានស្មើវិញនៅ ៥នាទីបន្ទាប់ ដែលត្រឹមតែ ១នាទីប៉ុណ្ណោះ មុនពេល Johny រកបានគ្រាប់ជ័យជំនះឲ្យ Celta Vigo ក្នុងនាទីទី៧០ មានទឹកមាត់លេបបន្តិច៕
ផ្តល់សិទ្ធដោយ ៖ ខ្មែរថកឃីង