ព័ត៌មានកីឡា៖ ក្លឹបបិសាចក្រហម Man United បានត្រៀមខ្លួនចូលរួមប្រជែងទីផ្សារកីឡាករខ្សែប្រយុទ្ធ របស់ក្លឹប Juventus បើទោះបីជាដឹងថា គម្រោងទីផ្សារមួយនេះបានកំពុងស្ថិតក្នុងការចរចាជាមួយ Liverpool ទៅហើយក្ដី។
Man United កំពុងតែជំពាក់ជំពិននឹងរឿងទីផ្សារកីឡាករខ្សែប្រយុទ្ធជាច្រើន ដែលក្លឹបគ្រោងនឹងទិញ យក ប៉ុន្ដែនៅមិនទាន់ឃើញមានលទ្ធផលនៅឡើយទេ ។ ស្របគ្នានឹងដំណឹងថ្មីៗនេះ ក្លឹបបែជាមកចាប់អារម្មណ៍ចង់ចូលមកលូកដៃជាមួយ Liverpool លើមុខសញ្ញាកីឡាករ ខ្សែប្រយុទ្ធក្លឹប Juventus ដែលមានឈ្មោះថា Alvaro Morata ខណៈដែលមានតម្លៃដល់ទៅ ៦១ លានផោន ។
កីឡាករ Alvaro Morata កាលពីរដូវកាលមុន អាចរកគ្រាប់បាល់បានដល់ទៅ ១៥ គ្រាប់ពេញមួយរដូវកាល ហើយជួយឲ្យក្លឹប អាចឈានជើងឡើងដល់ វគ្គជម្រុះផ្ដាច់ព្រ័ត្រ ប៉ុន្ដែសម្រាប់រដូវកាលនេះ កីឡាករដូចជារកគ្រាប់បាល់បានខ្សត់ខ្សោយបន្ដិច សម្រាប់ក្រុម។
ដោយ៖ អឿ អ៊ុយ
ប្រភព៖ express