ពិធីបុណ្យចូលឆ្នាំថ្មីជាពីធីប្រពៃណីយ៍ជាតិមួយដែលប្រជាជននៅ គ្រប់ប្រទេសទូទាំង
ពិភពលោកប្រារព្ធធ្វើឡើងជារៀងរាល់ឆ្នាំ ។ ការប្រារព្ធពិធីបុណ្យចូលឆ្នាំថ្មីរបស់ប្រទេស
នីមួយៗមានលក្ខណៈ ខុសៗគ្នាដោយអាស្រ័យទៅលើពេលវេលា ប្រពៃណីយ៍ទំនៀម
ទំលាប់ និង វប្បធម៌របស់ប្រជាជននៅក្នុងប្រទេសទាំងនោះ ។
ប្រជាជននៅ ក្នុងប្រទេសកម្ពុជាប្រារព្ធពិធីអបអរឆ្នាំថ្មីនៅក្នុងខែមេសា រឺ ខែចែត្រ ។ ដូច
គ្នានេះដែរមានប្រទេសជិតខាងមួយចំនួនដូចជាប្រទេសឡាវ និង ថៃ ក៏ប្រារព្ធពីធីចូល
ឆ្នាំថ្មីរបស់ខ្លួនដែលមានលក្ខណៈប្រហាក់ប្រហែល គ្នានឹងពិធីបុណ្យចូលឆ្នាំថ្មីរបស់ប្រជា
ជនខ្មែរដែរ ។
ការប្រារព្ធ ពិធីបុណ្យចូលឆ្នាថ្មីក្លាយទៅជាពិធីបុណ្យជាតិប្រចាំប្រទេសដូចជា នៅប្រទេស
កម្ពុជា ឡាវ និង ថៃប្រារព្ធពិធីចូលឆ្នាំថ្មីជារៀងរាល់ឆ្នាំ ហើយចាត់ទុកពិធីនេះជាពិធីបុណ្យ
ជាតិដោយអនុញ្ញាតឱ្យប្រជាជនទូទាំង ប្រទេសឈប់សម្រាករយៈពេល ៣ថ្ងៃ ដើម្បីចូលរូម
អបអរពិធីនេះ ។
ការប្រារព្ធពិធីចូលឆ្នាំថ្មីដែលប្រទេសកម្ពុជា ឡាវ និង ថៃ ធ្វើឡើងជារៀងរាល់ឆ្នាំមាន
លក្ខណៈដូចគ្នាមួយចំនួនធំ ហើយមានលក្ខណៈខុសគ្នាមួយចំនួនតូចប៉ុណ្ណោះ ។ ភាពខុស
គ្នានេះអាចបណ្តាលមកពីការយល់ឃើញ ចំនង់ចំនូលចិត្ត និង ការប្រតិបត្តិនៅក្នុងសាសនា
របស់ប្រជាជននៅតាមប្រទេសនីមួយៗ ។
រយៈពេលនៃការប្រារព្ធពិធីបុណ្យចូលឆ្នាំថ្មីរបស់ប្រទេសទាំងបីនេះមាន រយៈពេល ៣ថ្ងៃ
ដែលស្ថិតនៅក្នុងខែមេសាដូចគ្នា ប៉ុន្តែប្រទេសកម្ពុជាប្រារព្ធពិធីនៅថ្ងៃទី១៣ ឬ ១៤-១៥-១៦
ខែមេសា ។ រីឯនៅប្រទេសឡាវ និង ថៃ វិញ ប្រជាជនកំនត់ពេលវេលច្បាស់លាស់តែម្តង
គឺនៅថ្ងៃទី១៣-១៤-១៥ ខែមេសា ជារៀងរាល់ឆ្នាំដោយពុំមានការកែប្រែឡើយ ។
ប្រជាជនខ្មែរយកចង្ហាន់ប្រគេនព្រះសង្ឃក្នុងឱកាសពិធីបុណ្យចូលឆ្នាំថ្មីប្រពៃណីយ៍ខ្មែរ
នៅ កំឡុងពេល ៣ថ្ងៃ នេះប្រជាជននៅក្នុងប្រទេសទាំងបីនាំគ្នារៀបចំចង្ហាន់ទៅវត្តដើម្បី
វេប្រគេនដល់ព្រះសង្ឈ និង ឩទ្ទិសកុសល្យផលបុណ្យជូនទៅដល់ជីដូនជីតា បុព្វការីជន
និងញាតិការទាំងប្រាំពីរសណ្តានដែលបានចែកឋានទៅកាន់បរលោក ។ បន្ទាប់ពីវេចង្ហាន់
ប្រគេនព្រះសង្ឃ ពុទ្ធិបរិស័ទនាំគ្នាស្រង់ព្រះពុទ្ធរូប (ស្រង់ព្រះ) នៅក្នុងវត្ត និងពូនភ្នំខ្សាច់ ។
នៅប្រទេសកម្ពុជាក្រៅពីស្រង់ព្រះពុទ្ធរូបនៅក្នុងវត្តប្រជាជនខ្មែរធ្វើពិធីស្រង់ព្រះរស់
(មាតាបិតា) ។
មានទំលាប់មួយទៀតដែលប្រជាជាននិយមប្រតិបត្តិនោះគឺការដោះលែងសត្វ អណ្តើក
ត្រី ក្តាម និង សត្វចាបជាដើម ។ ប្រជាជនយល់ថា ការធ្វើបែបនេះក្នុងគោលបំណងរំដោះ
កម្មវេរាដែលខ្លួនបានធ្វើនៅ ក្នុងឆ្នាំចាស់ ហើយចាប់យកសំណាងល្អ និងលាភសិរីសួស្តី
នៅក្នុងឆ្នាំ ។
ពិធីបុណ្យចូលឆ្នាំថ្មីរបស់ប្រជាជនឡាវ
ដំណើររឿងដែលទាក់ទងនឹងទេវតាឆ្នាំថ្មីរបស់ប្រទេសទាំងបីមានលក្ខណៈ ប្រហាក់ប្រ
ហែលគ្នាដោយមានភាពខុសគ្នាត្រង់ឈ្មោះរបស់ទេពធិតា និង ទេវតាដែលជាតួរអង្គនៅ
ក្នុងដំណើររឿងប៉ុណ្ណោះ ។ ប្រជាជនមានជំនឿទៅលើរឿងនិទាននេះណាស់ដោយហេតុ
នេះបានជាមុនថ្ងៃ ចូលឆ្នាំថ្មីប្រជាជននាំគ្នារៀបចំរណ្តាប់ ផ្លែឈើ និង នំចំណីរដើម្បីទទួល
ទេវតាឆ្នាំថ្មីដែលនឹងចុះមកកាន់តំណែងបន្តពី ទេវតាឆ្នាំចាស់មកថែរក្សាមនុស្សលោក ។
សម្លៀកបំពាក់ប្រពៃណីយ៍ក្នុងឱកាសពិធីបុណ្យចូលឆ្នាំថ្មី
ការកំសាន្តរបស់ប្រជាជនថៃនៅថ្ងៃបុណ្យចូលឆ្នាំថ្មី
នៅក្នុង ពិធីនេះប្រជាជននាំគ្នាលេងល្បែងកំសាន្តជាច្រើដែលត្រូវបានធ្វើឡើងនៅ កន្លែង
ដែលមានទីធ្លាទូលាយជាពិសេសនៅក្នុងវត្ត ។ ការលេងល្បែងកំសាន្តនៅតាមវត្តអារាម
នៅក្នុងប្រទេសនីមួយៗមិនដូច គ្នាទេអាស្រ័យទៅតាមទំលាប់ និង ល្បែងប្រពៃណីយ៍
របស់ប្រជាជននៅក្នុងប្រទេសនីមួយៗ ។ ប្រទេសកម្ពុជាមានល្បែងប្រជាប្រិយជាច្រើន
ដូចជាចោលឈូង បោះអង្គញ់ ទាញព្រ័ត្ត ស្វាដណ្តើមស្លឹកឈើ ចាប់កូនខ្លែង និង លាក់
កន្សែងជាដើម ។ ប្រជាជានថៃនិយមលេងបាចទឹកដាក់គ្នា និង លេងប៉ាតម្សៅ រីឯប្រជា
ជនឡាវចូលចិត្តនាំគ្នារាំច្រៀងទៅតាមចង្វាក់ភ្លេង ប្រពៃណីយ៍ ។ ក្រៅពីការលេងល្បែង
កំសាន្ត ប្រជាជនមួយចំនួននាំគ្នាទៅកំសាន្តនៅតាមរមណីយដ្ឋាននានាដែលមាន នៅ
ក្នុងប្រទេស ។
ប្រជាជននៅក្នុងប្រទេសកម្ពុជា ឡាវ និង ថៃ ដែលមានតួនាទីជាកូន និង ពុំសូវមានពេល
វេលាគ្រប់គ្រាន់ក្នុងការថែរក្សាមាតាបិតាអាចប្រើ ពេល ៣ថ្ងៃ នេះក្នុងការបំពេញតួនាទីជា
កូនល្អ និង បង្ហាញអំពីទឹកចិត្តកតញ្ញូរបស់ខ្លួនដើម្បីសងគុណដល់អ្នកមានគុណ ។ កូនៗ
តែងតែទិញសំភារៈប្រើប្រាស់មួយចំនួន ឬ ផ្តល់ជាថវិការជូនអ្នកមានគុណព្រោះក្រៅពី
ពេលចូលឆ្នាំថ្មី សមាជិកនៅក្នុងគ្រួសារពុំសូវមានពេលវេលាបានជួបជុំគ្នាដោយសារតែមាន
កិច្ចការរវល់រៀងៗខ្លួន ៕
(ប្រភពពី សួស្តី)