ដូចនឹងការសន្យា កាលពីឆ្នាំមុន Samsung បានបង្ហាញខ្លួន Galaxy Note II នៅក្នុងពិព័រណ៌IFA 2012 ហើយឆ្នាំនេះ ប្រភពព័ត៌មានជាច្រើនបានឲ្យដឹងថា ពួកគេនឹងធ្វើដូចគ្នានេះដែរជាមួយ Note III។
មិនតែប៉ុណ្ណោះ ក្រៅពី Note III លទ្ធភាពច្រើនឧបករណ៍ដ៏ថ្មីស្រឡាងមួយ ក៏នឹងត្រូវបានបង្ហាញខ្លួនផងដែរ។ បើទោះជាថ្មី ប៉ុន្តែមិនមានអ្វីចម្លែកទេ ដោយសារនោះគឺជា Samsung Smartwatch,នាឡិកាឆ្លាតវៃ ដែលយើងទទួលបានព័ត៌មានចចាមអារាមជាច្រើន កាលពីពេលមុន។
ប្រភពព័ត៌មានពី AsiaEconomic បានឲ្យដឹងថា ពេលវេលាបង្ហាញខ្លួនជាក់លាក់គឺនៅថ្ងៃទី ០៤ ខែកញ្ញា ខាងមុខនេះ មុនការតាំងពិព័រណ៌ IFA 2013 ដែលនឹងប្រព្រឹត្តិទៅនៅទីក្រុង Berlin ប្រទេសអាឡឺម៉ង់។ ព័ត៌មានស្តីពីរូបសណ្ឋាន Hardware របស់ Note III នៅមិនទាន់ច្បាស់នៅឡើយទេប៉ុន្តែព័ត៌មានចចាមអារាមពីមុនបានឲ្យដឹងថា ស្មាតហ្វូននឹងមានអេក្រង់ទំហំ 5,7 ជាមួយ RAM 3GB និង chip Exynos 5៕
ដោយ៖ សិលាប្រភព៖ TTE